Die modespan het reeds 10 wenke gedeel vir hemelbesems, maar ons het nóg ’n paar wenke wat jy kan gebruik.
#1 Jy mág patrone dra
Moeie dink jy moet patrone vermy omdat dit aandag sal lok nie. O nee, patrone is ’n wenner!
#2 Balans
Indien jy lank is en breër skouers het, dra iets wat jou skouers en onderlyf sal uitbalanseer, soos ’n peplumtop of volsirkelromp.
#3 Ken jou mates
Dit sal jou uitstappie winkels toe baie makliker maak.
#4 Modelle en mates
Neem in ag dat nie alle modelle lank is nie. Kyk eerder na die mates as jy aanlyn klere koop.
http://www.sarie.com/wp-content/uploads/Spree.jpg Spree, SARIE-aanlynwinkel
#5 Driekwart-mou
Lang vroue sukkel soms met moulengtes. Die driekwart-mou is altyd ’n wenner. En as lang moue vir jou te kort is, kan jy dit omvou sodat dit lyk of dit eintlik driekwart moet wees.
#6 Vermy broeke wat laag op jou heup sit
Dit wys dalk net "meer" as wat dit moet.
#7 Laat maak jou klere
Soms is dit beter om jou eie klere te laat maak, want jy weet dit gaan beslis pas en sal nie te kort wees nie.
#8 Vermy die tuimeldroër
Tuimeldroërs hou daarvan om klere te krimp, en jy wat langer is kan dit rêrig nie bekostig nie!
