Poësie
Klaarte
Louis Esterhuizen
NALEDI, R260
Louis Esterhuizen se 12de digbundel bevat lewensbeskoulike, besinnende verse oor die liefde tussen twee ouer wordende mense, maar ook aktualiteitsverse oor die geskiedenis, ekologie en die digkuns self.
Verrassend is die eerlike dog sardoniese wyse waarmee daar soms gekyk word na nypende kwessies soos veroudering, siekte en politieke omwentelinge.
Trouens, hierdie bundel kan sekerlik beskou word as memoires in versvorm wat sterk herinner aan die Japannese lewensbeskouing van wabi-sabi, waarvolgens daar skoonheid gevind kan word in gebrokenheid.
