Dirkje Daling van Nieu-Bethesda bied 'n groepuitstalling aan van haar eie en verskeie ander kunstenaars se werk by die Infinity-kunsgalery, waarvan sy ook die eienaar is. Kontemporêre kuns deur Alpha Greeff, Joanne Reen, Stephanus du Toit en Daling en beeldhouwerk deur Frans Boekkooi kan van Maandag tot Saterdag van 09:00 tot 15:00 besigtig word. Skakel 082 614 5833 of besoek www.artinfinity.co.za vir inligting.
Claudi Kriel, Oos-Londen: Haar skilderye word gewoonlik geïnspireer deur daaglikse interaksies met die natuur en sy neem gereeld deur die loop van die dag foto's van dinge wat haar interesseer. Besoek haar Facebook-blad en Instagram by @claudikriel om haar werk te besigtig. Bel Kriel by 082 545 9764 of stuur e-pos aan claudikriel@hotmail.com.
Gregg Price, Nieu-Bethesda: Die labirint by sy kunsgalery is omring met sy interessante beeldhoukuns. Bel Price by 083 258 3104, stuur e-pos aan greggcprice@gmail.com vir inligting, of besoek sy webtuiste of sy Facebook-blad by om sy werk te besigtig.
Janet Kingwell, Murraysburg, Graaff-Reinet-distrik: Kingwell het die laaste tyd 'n reeks waterverfskilderye op Facebook gepubliseer met die plan om dit in 'n kinderboek te omskep. Stuur e-pos aan janet@kingwill.co.za of besoek haar Facebook-blad vir inligting en om haar werk te besigtig.
Leon du Preez, Oos-Londen: Hy is die kurator van die Ann Bryant-kunsgalery en 'n kunstenaar. Bel hom by 043 722 4044 of 083 501 3392 of stuur e-pos aan dupreezleon234@gmail.com.
Lwando Lunika, Gqeberha: Hy spesialiseer in potlood- en houtskoolsketse. Bel hom by 084 068 0413 of volg hom op Instagram by @lwandolunika vir meer inligting.
Marc Pradervand,Oos-Londen: Hy is bekend vir sy kleurvolle en verbeeldingryke abstrakte skilderye. Stuur e-pos aan hom by marc.pradervand@gmail.com, besoek sy webtuiste of sy Facebook-blad vir meer inligting.
Margot Muir, Gqeberha: Haar nuutste uitstalling, We Should All be Feminists, kan by die GFI-kunsgalery in Gqeberha besigtig word. Muir se foto's kan ook aanlyn op haar webtuiste en op Facebook en Instagram besigtig word. Stuur e-pos aan haar by margot@mweb.co.za.
Michael Roderick Wedderburn, Gqeberha: Synuutste reeks werk bestaan uit verskillende inheemse houtsoorte en is geïnspireer deur mites, legendes en volksverhale.Bel hom by 072 288 8732 of stuur e-pos aan wedderburn.michael@yahoo.com vir meer inligting oor sy werk.
Nicci Swartz, Gqeberha: Sy is bekend vir haar muurskilderye en sê dat haar kunsstyl deur stedelike straatkuns beïnvloed word. Bel Swartz by 083 419 3456 of stuur e-pos aan niccisw@gmail.com.
Stuur kunsnuus en inligting oor kunsgebeure of plaaslike kunstenaars na Willemien.Green@dieburger.com.
