Kos + wyn

Fudge-en-appelpotpoeding

Vir 6

Voorbereityd 15 minute

Gaarmaaktyd 45 minute

Jy benodig

  • 5 appels, elk in 8 stukke gesny
  • sap en gerasperde skil van 1 suurlemoen
  • 200 g fudge, in stukkies gebreek
  • 2 eetlepels botter

VIR DIE BOLAAG

  • 1 koppie koekmeel
  • 2 koppies hawermout
  • 1 eetlepel fyn kaneel
  • ½ koppie donker bruinsuiker
  • ½ koppie botter

Só maak jy

  1. Voer die binnekant van 'n platboomswartpot met foelie uit, pak die appels daarin en gooi die suurlemoensap en stukkies fudge bo-oor.
  2. Meng die droë bestanddele van die bolaag goed en vryf dan die botter daarby in totdat die mengsel soos droë broodkrummels lyk. Gooi die mengsel oor die appels.
  3. Sit die pot oor matige warm kole en pak ook 'n paar warm kole op die deksel. Ná 35-45 minute sal die appels sag en die kors goudbruin wees. Jy kan dit ook vir 40 minute sonder 'n deksel in 'n oond van 180 °C bak.

WENK

Jy kan die droë bestanddele vir die bolaag by die huis al meng en in 'n Ziploc-sakkie saamvat op vakansie.

SPELETJIES VANDAG

Spesiaal vir intekenare!CTA

Elke dag ’n nuwe blokraai, sudoku en woordblom asook ’n weeklikse vasvra élke Vrydag. 

SPEEL SAAM