Resepte en stilering Julia van Maarseveen
Jy benodig
(genoeg vir 6)
• 2 eetlepels botter
• 2 uie, in dik skywe gesny
• 12 snytjies bruin- of rogbrood
• 100 g bloukaas, in dun skywe gesny
• 125 g brie, in dun skywe gesny
• 1 koppie okkerneute, liggies gerooster en grofgekap
• 'n hand vol babaspinasie
Só maak jy
1. Smelt die botter in 'n kastrol en braai die ui vir 10-15 minute oor matige hitte tot dit begin karameliseer.
2. Maak 6 toebroodjies met die volgende daarop: bloukaas, brie, gekaremaliseerde uie, okkerneute en spinasieblare.
3. Braai die broodjies oor matige kole tot hulle goudbruin is (omtrent 5 minute aan elke kant) of braai hulle oor matige hitte in 'n pan.
WegSleep sê: Vir die kinders (en grootmense) wat nie van 'n skerp kaas hou nie, kan jy cheddar of soetmelk opsit.
