Elke jaar word die rooi tapyt neergegooi vir 'n seisoen vol glansgeleenthede en gesogte toekennings, soos die Golden Globes en die Oscars. In 2017 het 'n paar bekendes die SARIE-modespan se koppe laat draai.
Hier's ons top-voorkomste vir 2017:
Die Amerikaanse aktrise Evan Rachel Wood het vanjaar geskitter in broekpakke. Maar die treffendste een was beslis die wit wyepypbroekpak. Dit bly 'n treffer!
Jennifer Lopez het vanjaar 'n rok gedra wat SARIE se redakteur, Michélle van Breda, as een van die mooiste rokke nóg beskou. "Die kleur, die styl, dis perfek!"
J-Lo is ook nie bang om smeulend aan te trek nie. Kyk net haar treffende swart rok.
Die aktrise Emma Stone het 'n besonderse jaar agter die rug. Nie net het sy haar eerste Oscar gewen nie, maar sy het die een na die ander treffer gedra. Hier is twee van ons gunstelinge-oomblikke:
Die Oscar-wenner Nicole Kidman sit byna nooit 'n modevoet verkeerd nie, daarom is sy gereeld op ons gunsteling-lyste. Vanjaar het sy klomp treffers gehad. Hier's twee rokke wat veral uitgestaan het: 'n rooi rok en 'n metaalkleurige rok.
Die beeldskone Michelle Pfeiffer het keer op keer bewys ouderdom is net 'n nommer. Sy het 'n fantastiese jaar op die rooi tapyt gehad!
Die supermodel Cindy Crawford se 16-jarige dogter, Kaia Gerber, haal ook ons lys. Sy is nog 'n rooitapyt-groentjie, maar mode klop sterk in haar are.
Die aktrise Zendaya is 'n verkleurmannetjie. Ons weet nooit wat sy volgende gaan dra nie. Klassiek, gewaagd of spelerig? Hier's van ons gunsteling-uitrustings.
Die model Kendall Jenner haal ook ons lys! Sy het beslis die gewaagste rok van 2017 gedra wat 'n absolute treffer is. Sy skop stof in ousus Kim Kardashian se oë.
Dan moet ons natuurlik die ongelooflike styl van die Netflix-reeks Stranger Things se jongspan uitsonder. Van links na regs: Finn Wolfhard, Noah Schnapp, Gaten Matarazzo en Caleb McLaughlin.
En die stylvolle Millie Bobby Brown, ook bekend as Eleven.
Watter uitrusting was jou gunsteling?
