Vandag verskyn die Julie-bruide in Beeld se Bruid van die Jaar-kompetisie in samewerking met World Leisure Holidays.
Onthou, stemme vir vandeesweek se bruide moet teen volgende Vrydag om 12:00 ingedien wees.
Om seker te maak jou gunstelingbruid het 'n kans om haar deel van die meer as R400 000 se pryse te wen, kan jy op een van die volgende drie maniere stem:
Só stem jy
Wanneer 'n bruid se foto in die koerant verskyn, kan lesers vir hul gunstelingbruid stem deur:
- PROSES 1 (elke SMS tel 1 punt)
SMS BRUID, jou gunstelingbruid se naam en van, jou naam en van, jou woon- en e-posadres na 35986. Die SMS-lyn sal oop bly tot die daaropvolgende Vrydag nadat die bruid se foto in die koerant verskyn het. Die lyn sluit om 12:00.
Elke SMS kos R1,50. Gratis SMS'e geld nie en foutiewe SMS'e sal verreken word.
SMS voorbeeld: BRUID, Sannie Smit, Tanya Schoeman, Randburg, tanya.schoeman@media24.com.
Deelnemers aan die kompetisie deur middel van stemproses 1 verleen met die gebruik van die SMS-stemme toestemming aan Media24 en sy borge om by geleentheid sy produkte en/of dienste aan hulle te bemark.
- PROSES 2 (elke stem tel 5 punte)
Ekstra koerantstemme van 'n bruid kan op 'n Donderdag van publisering of die Vrydag ná publisering by Tanya Schoeman aangekoop word (tanya.schoeman@media24.com).
Beeld sal die koerante aan 'n Beeld-projek skenk.
- PROSES 3 (elke stem tel 5 punte)
Knip jou gunstelingbruid se foto uit (slegs oorspronklike foto's word aanvaar), plak dit op 'n A4-bladsy, voeg jou adres en telefoonnommers by en koerier dit na: Bruid van die Jaar, Bemarking, 2de Vloer, Pretorialaan 272, Ferndale, Randburg 2194.
Stemme kan ook in 'n koevert by Beeld se kantoor in Johannesburg afgelewer word: Bruid van die Jaar, Bemarking, 2de Vloer, Pretorialaan 272, Ferndale, Randburg 2194.
Die sperdatum vir elke week se brui-de is die daaropvolgende Vrydag nadat die bruid se foto in die koerant verskyn het.
Alle stemme moet ons teen 12:00 op die sperdatum bereik om in aanmerking geneem te word.
Dit bly die persoon wat stem se verantwoordelikheid om stemme betyds in te dien en Beeld aanvaar geen verantwoordelikheid vir laat stemme nie. Laat stemme sal nie in aanmerking geneem word nie.
Dieselfde prosedure geld bruide wat buite Beeld se verspreidingsgebied val en wil deelneem.
Die bruid met die meeste punte aan die einde van elke maand sal as die wenner aangewys word.
Sperdatums
- Augustus-bruide: 11 November 2022.
- September-bruide: 9 Desember 2022.
- Oktober-bruide: 3 Februarie 2023.
- November-bruide: 3 Maart 2023.
- Desember-bruide: 31 Maart 2023.
Kontak Tanya Schoeman by tanya. schoeman@media24.com vir besonderhede oor hoe om in te skryf.
