Styl

Die gewilde somer-haarkleur wat by álmal pas

Die SARIE-skoonheidspan het 'n nuwe haarkleur-obsessie: Karamel-hare! Hoewel dié warm, goudbruin skakering nie noodwendig nuut is nie (sanger Jennifer Lopez en aktrise Sofía Vergara is veral lief daarvoor om dié haarkleur te dra), sien ons deesdae al hoe meer bekendes wat met die skakering in hul hare spog. Die rede? 'n Karamelskakering in jou hare pas letterlik by alle vel- en haarkleure en laat jou boonop jare jonger lyk.

Sofía met háár karamelkleur ligstrepies.

'n Karamel haarkleur kan jy as een skakering in jou hare dra óf as ligstrepies saam met swart, bruin of blonde hare. Dit komplementeer alle gelaatskleure en skep boonop 'n natuurlike multi-dimensionele voorkoms wat jou jonger kan laat lyk, omdat dit herinner aan die goue sonstrepies waarmee jong kinders ná 'n seevakansie pronk.

Karamel-hare is boonop ekonomies. Die kleur is maklik om te onderhou en wanneer dit uitgroei, sien jy dit nie so duidelik nie.

Daar is 'n magdom maniere waarop jy dié mooi kleur in jou hare kan dra. Dié bekendes se karamel-hare inspireer ons.

Bekendes met 'n ligter velkleur:

Dakota Johnson

Die aktrise se subtiele karamelkleur ligstrepies gee haar donkerbruin hare natuurlike dimensie.

Embed from Getty Images

Mandy Moore

Ons is mal oor die aktrise se subtiele ombré-voorkoms in karamel.

Embed from Getty Images

Aubrey Plaza

Die aktrise se moeitelose karamel-hare laat ons terugverlang na warm somerdae.

Embed from Getty Images

Blake Lively

Danksy karamelkleur ligstrepies het die aktrise se blonde hare 'n gemaklike strand-voorkoms.

Embed from Getty Images

Bekendes met 'n donkerder velkleur:

Jennifer Lopez

Die aktrise en sanger se karamelkleur hare is kenmerkend van haar voorkoms.

Embed from Getty Images

Jessica Alba

Ons is mal oor die aktrise se donker haarwortels wat geleidelik ligter word tot 'n karamelkleur op die punte.

Embed from Getty Images

Shay Mitchell

Die Pretty Little Liars-aktrise wys dat selfs swart hare mooi lyk met karamelkleur ligstrepe.

Embed from Getty Images

Hailey Baldwin

Karamelkleur ligstrepe in die model-dogter van akteur Stephen Baldwin se hare gee haar blonde hare 'n sexy, ingeleefde voorkoms.

Embed from Getty Images

Bronne:www.elle.com, www.schwarzkopf.com

Monica Pienaar

SPELETJIES VANDAG

Spesiaal vir intekenare!CTA

Elke dag ’n nuwe blokraai, sudoku en woordblom asook ’n weeklikse vasvra élke Vrydag. 

SPEEL SAAM