Hoewel die meeste van ons die warmer dae verwelkom, bring dit ook 'n oplewing van seisoenale allergieë mee. Met relatief kort, matige winters en langer, soel maande, sowel as 'n oorvloed grasse, is stuifmeeltellings oor die hele Suid-Afrika heen geneig om hoog te wees, wat allergiese reaksies veroorsaak.
Wat is die probleem met stuifmeel?
Daar is geen manier om te verhoed dat jy stuifmeel van blombome en ander plante, sowel as klein, stuifmeelagtige grassade, inasem nie. Soms reageer ons immuunstelsels op onskadelike stuifmeel as 'n indringer wat allergietekens- en simptome veroorsaak.
Hoë stuifmeeltellings kan ook aanvalle veroorsaak by mense wat aan asma ly.
Allergiese rinitis, wat algemeen bekend staan as hooikoors, lei tot verkoue-agtige simptome, insluitend sinus-kongestie en druk, post-nasale drup, loopneus, nies en hoes. Anders as 'n verkoue wat deur 'n virus veroorsaak word en ongeveer sewe tot tien dae duur, kan allergiese rinitis voortduur so lank as wat jy aan allergene blootgestel word. Die Wêreldgesondheidsorganisasie (WGO) skat dat 10 tot 30% van die wêreldwye volwasse bevolking en tot 40% van kinders deur allergiese rinitis geraak word.
Reaksies op verhoogde stuifmeel in die omgewing sluit ook allergiese konjunktivitis in wat jeukerige, rooi of waterige oë tot gevolg het en veltoestande soos "hooikoorsuitslag" en allergiese dermatitis.
Terwyl stuifmeel en grassade algemene snellers in die lente en somer is, kan allergiese reaksies ook veroorsaak word deur stofmyt-mis en swamspore, wat enige tyd in ons omgewing teenwoordig kan wees.
Neem 'n vars benadering
As jy 'n langtermyn-lyer aan seisoenale allergieë is, kan jy reeds maatreëls tref soos om dae met 'n hoë stuifmeeltelling te monitor (by www.pollencount.co.za), ekstra huisskoonmaak om van stuifmeel ontslae te raak wat moontlik deur oop vensters en deure kan inblaas en te stort en skoon klere aan te trek sodra jy van buite af inkom.
Hierdie voorkomingstegnieke is egter dalk nie genoeg nie, en dit help om 'n plan te hê om allergiese simptome te behandel, veral om die ontwikkeling van ernstiger toestande soos brongitis, longontsteking en oorinfeksies te vermy.
Konvensionele behandelings sluit in antihistamiene, ontstuwingsmiddels en kortikosteroïede. Hierdie medikasie het newe-effekte, insluitend lomerigheid en kommer oor langdurige gebruik.
Dit is belangrik om jou dokter te raadpleeg en hul advies te kry voordat jy oor-die-toonbank- of voorskrifmedisyne gebruik.
Nie almal vind verligting van konvensionele behandelings nie, en omdat die allergieseisoen in Suid-Afrika so lank is, verkies baie oplossings sonder newe-effekte soos aromaterapie.
Doryce Sher, 'n gekwalifiseerde apteker, aromaterapeut en die stigter van Aromatic Apothecary, sê wanneer dit kom by die bestuur van die simptome van seisoenale allergieë, bied aromaterapie 'n natuurlike pad vir die hele gesin omdat dit deur kinders gebruik kan word.
"Vir eeue is die aromatiese verbindings van plante soos bloekombome, teeboom en peperment gebruik om die simptome van boonste respiratoriese toestande te verlig. Afgesien van hoe doeltreffend dit is om verligting te bring, het aromaterapie-oplossings die voordeel dat dit jou nie lomerig maak nie en help om die langtermyn-oorbenutting van produkte soos nasale ontstuwingsmiddels te vermy. So baie lyers van seisoenale allergieë eindig met 'n toestand bekend as rebound congestion. Dit gebeur omdat konvensionele nasale dekongestante slegs vir 'n paar dae ná mekaar gebruik kan word. Allergiese rinitis kan egter vir weke aanhou, wat lei tot oorbenutting van die produk, wat langtermyngevolge inhou."
Aromaterapie-produkte kan help
Aromaterapie-produkte kan maklik saam met konvensionele medikasie gebruik word.
Deur Aromatic Apothecary se inasemtoestel, Colds & Sinus Sinusniff, en die mini-aanrol-olie, Colds & Sinus Soother, by jou allergietassie te voeg, gee jou opsies wat vinnig is om te gebruik en daaglikse verligting bied sonder enige newe-effekte of kommer oor oorgebruik.
Die inasemtoestel kan jy in jou handsak, gim-sak of selfs in jou kar hou, indien jy daardie sinus-simptome ervaar. Jou neusgange is onmiddellik oop wanneer jy kongestie ervaar, ook van verkoue en griep.
Die Sinusniff is 'n sinergistiese mengsel van peperment, bensoë en bloekom.
Die Colds & Sinus Soother op sy beurt maak jou lugweë oop en sal jou verstopte neus en sinuskongestie onmiddellik verlig, asook simptome wat verband hou met verkoue en hooikoors. Al wat jy moet doen is om die aanrol-olie aan die kante van die neus, onder die wange, bo jou wenkbroue en agter die ore te smeer om kongestie te verlig. Wees versigtig dat jy kontak met jou oë te vermy.
Sher, wat op haar vaardighede as apteker staatgemaak het, het elke produk geformuleer om veilig en doeltreffend te wees. Sy beveel Aromatic Apothecary Cold & Sinus Kids Sneezes & Wheezes masseerolie aan vir kinders wat deur seisoenale allergieë geraak word.
"Dit is 'n natuurlike, strelende middel wat op die bors, rug en voete gevryf kan word voordat jy snags gaan slaap," sê sy.
"Die essensiële olies help om die lugweë oop te maak en 'n stywe bors weer maklik te laat asemhaal. Dit is ook ontspannend en kalmerend, so dit help om die angs van 'n olike gevoel te verlig, wat so belangrik is om genesing te bevorder."
Die Aromatic Aromatherapy Colds & Sinus-reeks sluit ook 'n massering- en badolie en olie wat jy deur middel van 'n lugverspreider gebruik, in.
"Daar is verskeie maniere waarop jy hierdie aromaterapie-oplossings kan gebruik om jou te help om deur die allergie-seisoen te kom. Jy kan die aanrol-olie in jou handsak of sak steek en wanneer jy dit benodig, wend dit vinnig aan die kante van jou neus en slape vir vinnige verligting van kongestie. Die inasemtoestel is ook wonderlik om tydens 'n besige dag by jou te hou. Sodra jy by die huis is, gebruik die olie in 'n lugverspreider of masseer dit in voor slaaptyd, want dit laat jou ontspan en jy kan die voordele van die genesende plantverbindings geniet, asook die gehalte van jou slaap verbeter.
"Ons kan nie seisoenale allergieë vermy nie, maar ons kan natuurlike en holistiese maniere vind om die simptome te bestuur sodat ons ons werk en fisieke aktiwiteit op koers hou en al die plesier van hierdie warmer tyd van die jaar geniet."
- Ekstra bron: Wêreldgesondheidsorganisasie
