Chroniese obstruktiewe longsiekte (COPD) is 'n chroniese longsiekte wat gekenmerk word deur die obstruksie van lugvloei wat nie heeltemal omgekeer kan word met brongodilators nie.
Die mees algemene simptome van COPD is asemloosheid en aanhoudende hoes met sputumproduksie. Soos die toestand vererger word selfs daaglikse aktiwiteite soos stap of die inspanning om te was of aan te trek moeilik.
Sigaretrook is die groot risikofaktor vir COPD, en baie van die toename in COPD word geassosieer met geprojekteerde toenames in tabakgebruik.
Onlangse studies dui daarop dat 'n kwart tot byna die helfte van alle gevalle van COPD by nie-rokers voorkom. Ander risikofaktore vir die ontwikkeling van COPD sluit in sulke uiteenlopende invloede soos blootstelling aan tabakrook in die omgewing (passiewe rook), rook van steenkool- en houtvure, blootstelling aan stof en dampe en vorige tuberkulose.
COPD affekteer hoofsaaklik volwassenes ouer as 45 jaar, en word wêreldwyd as een van die belangrikste oorsake van sterftes beskou.
Die siekte is nie tot die longe beperk nie; dit affekteer die hele liggaam wat lei tot byvoorbeeld gewigs- en eetlusverlies, en veral 'n afname in spiermassa in die ledemate van ernstig siek pasiënte.
Dit lei tot 'n bose kringloop, aangesien verswakte pasiënte wat uiters kortasem is geneig is om te onttrek, heeltemal onaktief te raak en gereeld in isolasie sterf.
•Bron: Mediclini Infohub
GEBORG
TREAD Research
TREAD Research is 'n bekroonde kliniese navorsingseenheid gesetel in Parow in die Wes-Kaap waar kliniese navorsing gedoen word. TREAD se missie is om die regte, welstand en privaatheid van proefpersone wat kies om aan proefpersoon-navorsing deel te neem, te beskerm. Indien jy belangstel om aan 'n proef deel te neem of meer wil uitvind, skakel 021 931 7825 of stuur 'n WhatsApp na 066 472 5713 of stuur 'n e-pos na recruitment@treadresearch.com.
