Dermatomiositis is een van 'n groep inflammatoriese spiersiektes waarvan dit 'n subtipe is.
Die siekte, wat 'n subakute (ietwat kort en relatief ernstige) aanvang het, kan sowel kinders as volwassenes affekteer. Vroue word meer dikwels aangetas as mans.
Die simptome
Dermatomiositis word gekenmerk deur 'n uitslag wat gepaard gaan met, of meer dikwels, voorafgaande spierswakheid. Die uitslag sluit in pers verkleuring rondom die oë, 'n rooi vlekkerige uitslag om die nek, skouers en boonste bors en 'n skubberige uitslag oor die elmboë, knieë, kneukels en rug.
Sommige pasiënte kan ook verharde knoppe van kalsium onder die vel ontwikkel.
Pasiënte sukkel kenmerkend om uit 'n sittende posisie op te staan, trappe te klim, voorwerpe op te lig of oorhoofs uit te reik, byvoorbeeld om hare te kam of rakke te pak. Distale spiere (dié wat nie naby die romp van die liggaam is nie) kan selde aangetas word.
Probleme met sluk kan voorkom. Soms pyn die spiere en is gevoelig om aan te raak. Pasiënte kan ook moegheid en ongemak voel en gewigsverlies of 'n lae koors hê.
