Obsessief-kompulsiewe versteuring (OCD) is 'n algemene neuropsigiatriese versteuring waarin 'n persoon onbeheerbare, herhalende gedagtes (obsessies) en gedrag (kompulsies) het wat hy of sy die drang voel om oor en oor te herhaal.
Dit lei tot beduidende angs, kommer en funksionele inkorting op verskeie gebiede soos werk, skool, verhoudings en gesinslewe.
Mense met OCD kan simptome van obsessies of kompulsies hê - of albei.
Obsessies is herhaalde gedagtes, drange of geestelike beelde wat angs veroorsaak, terwyl kompulsies herhalende gedrag is wat iemand met OCD die drang voel om te doen in reaksie op 'n obsessiewe gedagte.
Nie alle rituele of gewoontes is kompulsies nie.
Almal beheer dinge soms, maar iemand met OCD kan oor die algemeen nie sy of haar gedagtes of gedrag beheer nie, selfs wanneer daardie gedagtes of gedrag as buitensporig erken word. Hulle bestee ten minste 'n uur per dag aan dié gedagtes of gedrag.
Simptome kan kom en gaan en mettertyd minder word of vererger.
Mense met OCD kan probeer om hulself te help deur situasies te vermy wat obsessies veroorsaak, of hulle kan alkohol of dwelms gebruik om hulself te kalmeer.
Alhoewel die meeste volwassenes met OCD erken dit wat hulle doen, maak nie sin nie, sal sommige volwassenes en die meeste kinders dalk nie besef dat hul gedrag buitengewoon is nie. Ouers of onderwysers herken nie altyd tipiese OCD-simptome by kinders nie.
Bron: Global OCD Org
GEBORG
Universiteit van Kaapstad
Die Universiteit van Kaapstad nooi volwassenes met obsessief-kompulsiewe versteuring (OCD), of wat vermoed hulle het OCD, broers en susters van mense met OCD en mense sonder OCD om die uitdaging aan te pak om deel te neem aan die Global OCD internasionale studie. Die sudie gaan ondersoek instel hoe die breine van mense met obsessiewe-kompulsiewe versteuring werk. Die projek is vroeg in 2018 van stapel gestuur en sal oor 'n tydperk van ongeveer vyf jaar uitgevoer word.
