Reën word Saterdag oor verskeie dele van die Wes-Kaap verwag, met donderweer wat ook oor die grootste deel van die Oos-Kaap kan voorkom.
Grootliks bewolkte en matige weer word die naweek oor albei provinsies verwag.
Saterdag is daar 'n 30%-kans op reën die middag in Kaapstad, die Paarl, Worcester, Ceres, Malmesbury, Langebaan, Redelinghuys, Clanwilliam, Vredendal, Hermanus, Grabouw en Kaap Agulhas.
Oor die res van die Wes-Kaap word sonnige tot gedeeltelik bewolkte weer verwag met maksimum temperature grootliks onder 20 °C.
Vir Kaapstad word 'n maksimum temperatuur van 17 °C voorspel, 'n noordwestewind van 20 km/h en misreën in die oggend.
Vir George word 'n maksimum temperatuur van 19 °C voorspel.
In Hermanus kan die noordwestewind 'n spoed van 30 km/h bereik en in Kaap Agulhas word 'n westewind van 30 km/h verwag.
In die Oos-Kaap is daar 'n 30%-kans op buie of reën en donderweer oor die grootste deel van die provinsie.
In Port St. Johns en Mthatha is daar tot 'n 60%-kans op reën en donderweer die middag.
Vir Gqeberha word 'n maksimum temperatuur van 20 °C voorspel en 'n suidwestewind van 30 km/h.
Teen Sondag word bewolkte tot gedeeltelik bewolkte weer oor die Suidwes-Kaap verwag, met sonnige weer op plekke in die Suid-Kaap en Karoo.
Vir Kaapstad word 'n maksimum temperatuur van 19 °C voorspel en vir George 20 °C.
In die Oos-Kaap word deels bewolkte tot bewolkte weer verwag met 'n 30%-kans op reën en donderweer in Port St. Johns.
Maksimum temperature van 20 °C en effens hoër word oor die grootste deel van die provinsie verwag.
Vir Gqeberha word 'n maksimum temperatuur van 19 °C voorspel en 'n suidoostewind van 20 km/h.
Maandag word sonnige tot deels bewolkte weer oor die Wes-Kaap verwag met maksimum temperature grootliks onder 25 °C en in die Suidwes-Kaap onder 20 °C.
In die Oos-Kaap word sonnige tot gedeeltelik bewolkte weer verwag met maksimum temperature bo 20 °C en op sommige plekke bo 25 °C.
Teen Dinsdag is daar ook 'n 30%-kans op reën in Kaapstad, die Paarl, Malmesbury, Langebaan, Hermanus en Grabouw.
