Angie Motshekga, minister van basiese onderwys, maak Donderdagaand die nasionale matriekuitslae van 2022 op 'n seremonie in die Mosaïek-kerk in Fairland, Johannesburg, bekend.
Motshekga sal die toppresteerders en hul ouers die oggend om 09:00 as deel van 'n jaarlikse tradisie met 'n gelukwensingsontbyt in die MTN-innovasiesentrum in Ferndale, Johannesburg, onthaal.
Mathanzima Mweli, direkteur-generaal van onderwys, sal die matriekuitslae om 16:00 in dié kerk ontleed en statistieke bekend maak.
Motshekga sal om 18:00 haar toespraak oor die nasionale matriekuitslae lewer en dan die top-matrieks vereer.
