Daar is nou ekstra tyd vir laatslapers wat nog graag aan Huisgenoot Eisteddfod wil deelneem. Inskrywings vir die aanlyn kompetisie sluit op Maandag 31 Julie om 12:00.
Hierdie spesiale projek bied vir leeders van graad 1 tot matriek die kans om aan hul vaardighede te slyp en hul talent met ons en ons beoordelaars te deel. Besoek gerus ons webblad vir die kompetisie om deel te neem.
Leerders kan deelneem in afdelings vir sang, redenaars, prosa en poësie.
Jou betaalde inskrywing gee jou toegang tot 'n meesterklas wat deur een van die beoordelaars aangebied word. Dié meesterklasse is vol praktiese wenke en nuttige raad wat leerders in hul eie video-optrede kan toepas.
Wat kan jy wen?
Sertifikate
Deelnemers kan 'n spesiale digitale toekenningsertifikaat ontvang wat deur die beoordelaar van die afdeling toegeken word.
Goud - Fantastiese optrede; jy is 'n kampioen!
Silwer - Goeie vertoning; jy is 'n uitblinker!
Brons - Welgedaan met jou deelname; hou aan slyp aan jou talent!
Rooi - Uitmuntend; jy is een van slegs 16 kategoriewenners - die beste van die beste!
Eisteddfod-ster van die Jaar - Topklas! Jy is vanjaar se heel grootste ster!
Deelnemers wat goud-, silwer- of bronstoekennings ontvang se name en prestasies verskyn op Huisgenoot.com. Kategoriewenners wat 'n rooi-toekenning ontvang se name verskyn op Huisgenoot.com asook ook in Huisgenoot se gedrukte tydskrif.
Pryse
Elke kategoriewenner wen R1500 geborg deur Afrikaans.com, asook 'n Bubblegum Kids-opvoedkundige tabletrekenaar.
Die algehele wenner van Huisgenoot Eisteddfod word deur die Huisgenoot-paneel en beoordelaars aangewys. Dié spesiale prys word toegeken aan 'n talentvolle leerder wie se optrede uitgestaan het bo al die ander inskrywings. Die Huisgenoot Eisteddfod-ster van die Jaar stap weg met R10 000 kontant, met trots geborg deur Afrikaans.com.
Besoek gerus ons webblad vir die kompetisie om meer te lees.
Kyk hier na verlede jaar se groot wenners.
