'n Hele rits leerlinge is by vanjaar se Johann Vos-musiekkompetisie vereer vir hul uitstaande uitvoerings. Die 32ste Johann Vos-musiekkompetisie het op 29 en 30 Augustus plaasgevind en is geborg deur die prokureur en musiekliefhebber Johann Vos en aangebied deur die Hoërskool Bellville in samewerking met die Hugo Lambrechtsmusiektrust en die Enid Murielmusiektrust ter herinnering aan Olive Lieberz.
Die kompetisie word jaarliks deur die skool se musiekdepartement, onder leiding van die kultuurhoof, Marlese den Haan, georganiseer en aangebied om talentvolle hoërskoolleerders die geleentheid te gee om op 'n hoë kompeterende vlak deel te neem.
Sedert 2016 het die kompetisie uitgebrei met 'n blaasafdeling vir laerskoolleerlinge met uitnemende talent.
Piccolo en blaasafdeling
Op Dinsdag, 29 Augustus het die piccolo- en die blaasafdeling se finaliste opgetree in die Hugo Lambrechts-musieksentrum en die wenners was as volg:
Piccolo-afdeling
- Eerste plek: Juntian David Yang
- Tweede plek: Isabelle Mouton
- Mees belowende pianis: Juntian David Yang
- Mees belowende speler wat nie 'n stryker of blaser is nie: Shiqi Hu
- Mees belowende stryker: Isabelle Mouton
- Mees belowende blaser: R1 000 aan Jayden Ruiters
Junior-blaasafdeling
- Eerste plek: Kian Goliath
- Tweede plek: Quinn Goliath
Senior-blaasafdeling
- Eerste plek: Kyrah Adams en James Cilliers
- Derde plek: Logan Adams
Pianiste
Op 30 Augustus tree die pianiste op in die Hugo Lambrechts-musieksentrum en die wenners is:
Juniorafdeling
- Eerste plek: Alexander McIvor
- Tweede plek: Zimeng Li
- Derde plek: Lexi van der Merwe
Seniorafdeling
- Eerste plek: Mike Zining Wang
- Tweede plek: Chanda Bupe Lupambo
- Derde plek: Madison le Roux
Ope-afdeling
- Eerste plek: Isaac van der Merwe
- Tweede plek: Bayanda Mthetho en Mikhaila Porter
- Beste opvoering van 'n Suid-Afrikaanse stuk: Isaac van der Merwe
- Beste opvoering van 'n Barok-stuk: Isaac van der Merwe
- Beste opvoering van 'n klassieke stuk: Isaac van der Merwe
