Die Olimpiese marathonatleet Gerda Steyn sal op 6 November weer vir die New York-marathon aantree.
Sy het dié aankondiging Woensdag op Instagram gedoen.
Haar deelname in New York beteken sy sal nie op 28 Augustus aan die Comrades-wedloop tussen Pietermaritzburg en Durban deelneem nie. Sy sê sy sal wel daar wees om in die atmosfeer te deel en die ander deelnemers aan te moedig.
Steyn het al by twee vorige kere aan die New York-marathon deelgeneem - 2018 (13de in 2:31:04) en 2019 (11de in 2:27:48).
Sy het vroeër vanjaar die Twee Oseane-wedloop (56 km) in 'n rekordtyd van 3:29:42 gewen.
Haar SA marathon-rekord is 2:25:28.
