Die tyd raak min tot 8 Mei wanneer die land stembus toe gaan en die volgende regering verkies. Hier is wat vandag alles op die verkiesingsfront gebeur het:
Duidelik georkestreerde, vernietigende geweld deur die ANC in DA-beheerde gebiede. So het Mmusi Maimane, DA-leier, Donderdag die skuld vir die vlaag van geweld en betogings in die land op die regerende party gepak.
OVK se planne reg vir betogings op 8 Mei
Die Verkiesingskommissie (OVK) het voorsorg getref vir die moontlikheid van betogings by stempunte op 8 Mei.
KYK: Só gaan kiesers stem, sê koerantredakteurs
Wanneer die stembusse op Woensdag 8 Mei om 07:00 open, gaan kiesers waarskynlik hul kruisies trek aan die hand van 'n hele paar kwessies wat Suid-Afrikaners omkrap. Die redakteurs van Beeld, Die Burger, Volksblad en Rapport gee hul menings oor hoe die kragkrisis, die trae ekonomie en bewerings van staatskaping stempatrone kan beïnvloed.
Nuut op Netwerk24: Podsendings!
Sondag moet lesers Netwerk24 fyn dophou wanneer ons eerste podsending beskikbaar gaan wees. Ons skop af met die reeks, Praat Politiek met Netwerk24, wat deur Gert van der Westhuizen, Stemmeredakteur, aangebied word.
SA se probleme begin vóór apartheid - Mpofu
Kolonialiste het destyds grond van swart Suid-Afrikaners afgeneem omdat hulle geweet het grond is nodig om die ekonomie te bou, sê adv. Dali Mpofu, voorsitter van die EFF.
