Die gemeenskap van Dealesville voel die plaaslike regering en polisie beskerm hulle nie en dat “diewe en ander misdadigers” hulle uitbuit.

Ná sowat vier en ’n half maande en R6,6 miljoen wat glo reeds aan die kontrakteur van die R708-padprojek betaal is, is daar nog geen teer op die pad gelê nie.

Een van die sewe ANC-burgemeesters in die Vrystaat wat glo vroeër gevra is om te bedank, sê sy is steeds op haar pos en het ook nie ’n skorsingsbrief van die party ontvang nie.

Die kantoor van Centlec, die Mangaung-metro se kragverspreider, is geskok oor die beweerde ‘teregstelling’ van ’n senior amptenaar.

Elsunet du Plessis, NWU-netbalafrigter, sê die roep van hul kragspel het die span in die laaste kwart van die wedstryd begeester.

Vrystaatse boere is bekommerd dat daar iewers ’n slang in die gras is met die bouwerk aan die R708-pad tussen Clocolan en Marquard.

Daar is “dololo” gevolge vir wanbestuur en ’n gebrek aan leierskap in die ANC. Dit lyk of daar binne die ANC se verskillende faksies ook “dololo” ruggraat is, sê dr. Roy Jankielsohn, Vrystaatse DA-leier.

DA is “baie ongelukkig” dat die projek tot stilstand gekom het en dat dit finansiële implikasies vir die provinsie gaan hê.

Dit is tyd dat kiesers aan die ANC doen wat hy aan hulle gedoen het – skakel sy krag af in die munisipale verkiesing in 2026.

Die Sterkwater-rioolsuiweringsaanleg in Bloemfontein is gevandaliseer en elektriese kabels is gesteel wat die aanleg wanfunksioneel gelaat het.