- ½ x Skilferkorsdeeg*
- 500 ml (2 k) melk
- 1 kaneelstokkie
- gerasperde skil van 1 lemoen
- 60 ml (4 e) suiker
- 45 ml (3 e) meelblom
- 15 ml (1 e) mielieblom
- 1 ml (¼ t) sout
- 30 ml (2 e) botter
- 3 eiers by kamertemperatuur, geskei
- 15 ml (1 e) strooisuiker
- fyn kaneel
1. Voorverhit die oond tot 220 ºC (425 ºF). Voer 'n tertbord uit met die deeg wat dun uitgerol is. Hou op 'n koel plek.
2. Kook melk met kaneel en skil daarin. (Gebruik 'n mikrogolfoond, indien verkies.)
3. Meng suiker, meelblom, mielieblom en sout.
4. Voeg warm melk geleidelik daarby en roer aanhoudend met 'n houtlepel of draadklitser.
5. Laat stadig kook en roer sowat 5 minute lank aanhoudend of tot mengsel dik en gaar is.
6. Haal van stoof af, verwyder kaneel en voeg botter by. Laat effens afkoel.
7. Klits eiergele goed en roer by. Klits eierwitte met die strooisuiker styf en vou 'n derde in. Vou dan die orige eierwitte in.
8. Skep mengsel in bereide tertkors.
9. Bak 10 minute lank en verminder die temperatuur tot 200 ºC (400 ºF) en bak nog 10 minute of tot gaar.
10. Laat effens afkoel en strooi kaneel oor. Sit warm voor.
Klik en koop die boek
* TAKEALOT
