- 400g - (500 ml) bruinsuiker
- 230g - (250 ml) botter
- - knippie sout
- 6 - eiers
- 150g - pak dadels, baie fyn gekap
- 360ml - warm koffie
- 380g - (680 ml) koekmeel
- 20ml - bakpoeier
- 10ml - koeksoda
- VULSEL -
- 200g - (250 ml) suiker
- 60ml - water
- 45ml - botter
- 125ml - room
- 500g - sagte botter
Koek
Verhit oond tot 180 °C.
Voer drie losboomkoekpanne van 18 cm uit met bakpapier en spuit deeglik met kleefwerende kossproei.
Klop suiker, botter en sout met elektriese handklitser saam tot lig en romerig.
Voeg eiers by en klop goed.
Voeg dadels, koffie, meel, bakpoeier en koeksoda by en meng tot 'n gladde beslag.
Verdeel tussen panne en bak vir 35-40 minute tot goudbruin en gaar.
Haal uit oond en laat afkoel.
Vulsel
Plaas suiker en water in middelslagpot en roer oor lae hitte tot suiker opgelos het.
Bring tot kookpunt en kook tot goue karamel vorm, sowat 5-6 minute.
Voeg 45 ml botter en room by en skud pot rond tot alles gemeng is.
Gooi uit pot en laat in yskas afkoel tot koud.
Klop 500 g botter met elektriese klitser tot lig en romerig.
Hou aan klits en gooi koue karamel by.
Klits tot goed gemeng.
Skep mengsel in spuitsak met 1 cm-skerprandtuit.
Sit aan mekaar
Plaas eerste koeklaag op opdienbord.
Spuit 'n derde van vulsel op koek.
Plaas tweede koeklaag op en spuit nog 'n derde van vulsel op koek.
Plaas laaste koeklaag bo-op en versier met oorblywende vulsel.
Sit voor.
