Llise Dodd van die Elandsriviervallei in die Oos-Kaap sesolo-uitstalling Landmark kan tot 19 September by die GFI-kunsgalery in Sentraal, Gqeberha, besigtig word.
Kunsliefhebbers word uitgenooi om Landmark Moments, 'n gesprekvoering wat deur Dodd gelei sal word, môre van 11:00 tot 12:00 by die GFI-kunsgalery by te woon. Mark Dodd (keramiekkunstenaar), Elmarie van der Vyver (musikant), Eugene Damons (digter) en Angie Weisswange (gemengde media-kunstenaar) sal deel van die verrigtinge wees.
Bel Dodd by 076 282 3953, of besigtig haar werk op Facebook by Llise Dodd Art Studio of op Instagram by www.instagram.com/llisedodd_art.
Craig Banks, Oos-Londen: Hy skep onder meer vir sy kliënte portrette uit die as van hul geliefdes wat met houtskool gemeng word. Kontak Banks per e-pos by craigbanksart@ gmail.com of stuur 'n WhatsApp na 063 928 7859. Besoek sy webtuiste by craigbanksart.co.za, Facebook-blad by www.facebook.com/craigbanksartist, Instagram by @craigbanksart83 en Twitter by @CraigBanksArt om sy werk te besigtig en vir nog inligting.
Lez Dor, Gqeberha: Haar formele aanslag tot kuns word beïnvloed deur kunsklasse wat sy by bekende kunstenaars soos Neil Rodger, Hilary Graham, Robert Brooks en Greg Kerr ontvang het. Bel haar by 084 799 7777, stuur e-pos aan lezdor@gmail.com of besoek haar webtuiste by www.lezdor. com.
Lisa Walker, Gqeberha: Dié keramiekkunstenaar bied 'n pottebakkerskursus aan. Dit kos R550 per persoon en sluit die materiaal, gereedskap, asook koffie en tee en 'n ligte middagete in. Bel haar by 082 516 9220 of volg haar op Instagram by @lisa_walker_ceramics_sa.
Marion Weymouth, Oos-Londen: Sy verkies pastelle, maar meng dit soms met akriel om tekstuur by te voeg sodat die werk 'n ander soort effek sal verkry. Bel haar by 082 591 2476 vir nog inligting.https://youtu.be/BxXS42DjJ24https:/www.instagram.com/p/COBghdnjFcD/https:/youtu.be/OiffoxjFB-Yhttps:/youtu.be/VmZT1YzPExshttps:/youtu.be/JwrWYGeuUGM
Petra Stiglingh, Jeffreysbaai: 'n Groepuitstalling kan in dié kunstenaar se galery, die Petra Stiglingh-kunsgalery, besigtig word. 'n Groot verskeidenheid hoëgehalte-kunsmateriaal is te koop. Bel haar by 072 388 8738 vir nog inligting.
Phoka Nyokong, Gqeberha: Sy solo-uitstalling, Museum of New Hymns for the Confused, is met 'n week verleng en kan tot 8 September by die Nelson Mandela-Universiteit se Birdstraat-kunsgalery in Sentraal besigtig word. Stuur e-pos aan gallery@mandela.ac.za of visualarts.mandela.ac.za vir meer inligting.
Stuur kunsnuus na Willemien.Green@dieburger.com
