Willem du Plessis van Nieu-Bethesda is 'n kunstenaar wat bedags as 'n argitektoniese ontwerper in Graaff-Reinet werk.
Hy ontwerp ook kontemporêre meubels en het die laaste tyd ook met drukwerk begin eksperimenteer. Sy werk kan by die Infinity-kunsgalery in Nieu-Bethesda besigtig word. Bel hom by 071 464 83 42 vir meer inligting.
Dirkje Daling, Nieu-Bethesda: Verskeie plaaslike kunstenaars se kuns word by haar galery, Infinity, uitgestal. Skakel 082 614 5833 of besoek www.artinfinity.co.za.
Lisa Walker, Gqeberha: Dié keramiekkunstenaar bied 'n potterbakkerskursus aan. Dit kos R550 per persoon en sluit die materiaal, gereedskap, koffie en tee en 'n ligte middagete in. Bel haar by 082 516 9220 of volg haar op Instagram by @lisa_walker_ceramics_sa.
Nonnie Roodt, Gqeberha: Sy bied tekenklasse op Woensdag- en Donderdagoggende vir volwassenes, (beginners en dié wat reeds ondervinding het) aan. Slegs agt persone per klas. Bel haar by 084 327 9664 of stuur e-pos aan nonnieroodtkuns@gmail.com vir meer inligting.
Petra Stiglingh, Jeffreysbaai: 'n Groepuitstalling kan by dié kunstenaar se galery, die Petra Stiglingh-kunsgalery, besigtig word. 'n Groot verskeidenheid hoëkwaliteit-kunsmateriaal is te koop. Bel haar by 072 388 8738 vir meer inligting.
Theresa Hardman, Gqeberha: Dié argitek, kunstenaar en danser bied vir vyf maande een Saterdag per maand 'n tekenkursus aan. Dit kos R300 per persoon. Alle materiaal, koffie, tee en versnaperinge is ingesluit. Bel haar by 082 443 3840 of e-pos hello@leela-flow.co.za.
Stuur kunsnuus na Willemien.Green@dieburger.com.
