Almal van ons staan nou en dan voor ’n kaal muur en wonder wat om te doen. Egte skilderye is meestal net ’n droom, maar hier is idees wat kan help.
1. Familieportrette
Dit is verkieslik om persoonlike foto’s uit te stal in ’n vertrek wat uit die openbare oog is, soos ’n slaapkamer of werkplek. Die kunstenaar Sally Arnold van Prins Albert het al haar familiefoto’s saam op rakke in haar ateljee uitgestal.

http://www.sarie.com/wp-content/uploads/decor_050.jpg FOTO Ryno
2. Maak ’n galery
’n Voorportaal of lang gang is die ideale ruimte vir ’n galery-muur. Begin deur met ’n reguit lyn aan die onder- of bokant te werk. Maak ligte strepies met ’n potlood en pak rame op die vloer uit om die regte plasing te beplan. Gebruik rame wat min of meer dieselfde is, soos dié van herwinde hout.

http://www.sarie.com/wp-content/uploads/sw0911indrukke-3.jpg FOTO Inge Prins
3. Herbenut ou rame
Het jy ou rame wat iewers stof opgaar? Of dalk ’n kaal muur waarmee jy raadop is? Haal die glas en binneste karton van elke raam uit, pak dit op die vloer en besluit hoe jy dit wil hang. Verf almal dieselfde kleur as die muur en hang op.

http://www.sarie.com/wp-content/uploads/sw0911inhoud-other.jpg FOTO Ryno
4. Raam iets ongewoons
Baba se eerste skoentjies of uitrusting is altyd iets spesiaals en die moeite werd om in ’n diep boksraam te monteer vir die babakamer.

http://www.sarie.com/wp-content/uploads/sw1009KidsLiving31.jpg FOTO Rodger February
5. Klaar gegroepeer
Dié vier rame is klaar aan mekaar geheg en spaar jou al die meet en pas (R299,99), Mr Price Home.

https://cdn.24.co.za/files/Cms/General/d/6237/e8d8f6e3f146477ab383bb49a5b1b6ff.png FOTO Mr Price Home
6. Klassiek in swart
Die groot swart raam van 20 x 30 cm word verkoop met ’n klaargesnyde wit montering (R290), Woolworths.

http://www.sarie.com/wp-content/uploads/Coated-Wooden-Frame-6009195829452.jpgswartrww.jpg FOTO Woolworths
7. Natuurlike hout
Die kontemporêre raam is goedkoop genoeg om ’n galery van te maak (R79,95), Woolworths.

http://www.sarie.com/wp-content/uploads/Wooden-Photo-Frame-6009189313448.jpg FOTO Woolworths













