’n Wit bedding lyk altyd mooi en romanties, veral as wit blomme met die regte loofplante gekombineer word.
Plantlys:
• Oranjejasmyn (Murraya exotica): Uitheems, immergroen, meerjarig, volson tot halfskaduwee
• Roos, bv. ‘Iceberg’: Uitheems, bladwisselend, meerjarig, volson tot halfskaduwee
• Agapant (Agapanthus africanus ‘Albus’): Inheems, immergroen, meerjarig, volson tot skaduwee
• Kooigoed (Helichrysum petiolare): Inheems, immergroen, meerjarig, volson tot halfskaduwee
• Daglelie (Hemerocallis-hibriede, bv. ‘Joan Senior’): Uitheems, immergroen, meerjarig, volson tot halfskaduwee
• Engelvlerkies (Oenothera sin. Gaura lindheimeri ‘So White’): Uitheems, immergroen, meerjarig, volson
• Petunia (Petunia-hibriede): Uitheems, eenjarig, volson
• Sneeuvlokkies (Leucojum aestivum): Uitheems,bladwisselend, meerjarig, volson tot halfskaduwee
• Penstemon digitalis ‘Husker Red’: Uitheems, immergroen, meerjarig, volson
As jy hou van ’n oorvloed blomme wat maar kan waai in die wind, is wit engelvlerkies perfek vir ’n wit bedding. Dié blommetjies sit aan dun takkies en gee jou tuin ’n gevoel van
beweging en delikaatheid. Engelvlerkies groei vinnig en maklik en sal deur saadverspreiding hulself oraloor tuismaak. Die plante kan ook in die herfs of lente verdeel
word. Plant dit agtertoe in jou bedding in vrugbare grond en sny terug ná blomtyd. Hoewel engelvlerkies droogtebestand is, het dit in baie droë tye water nodig – maak daarom nat in die somer in winterreëngebiede om seker te wees jy word met ’n massa blomme beloon.
Plantgids
Volksnaam Engelvlerkies
Botaniese naam Oenothera sin. Gaura lindheimeri
- ‘So White’
- Volson
- Rypbestand
- Windbestand
- Goeie plukblom
- Groei sowat 1 m hoog
- Blom lente tot herfs

https://cdn.24.co.za/files/Cms/General/d/6160/ec2d7ba343bf4a6990895aa315d3705c.jpg













