- KRUMMELLAAG -
- 50g - (60 ml) strooisuiker
- 70g - (125 ml) koekmeel
- 115g - (125 ml) koue botter, in blokkies gesny
- 5ml - vanieljegeursel
- 80g - (250 ml) fyn klapper
- KOEK -
- 110g - (120 ml) sagte botter
- 150g - suurroom
- 4 - eiers
- 5ml - vanieljegeursel
- 200g - (250 ml) strooisuiker
- 190g - (340 ml) koekmeel
- 3ml - sout
- 5ml - bakpoeier
- 4 - pere, geskil
Hier kombineer ons Britse pondkoek met klassieke krummelpoeding. Jy kan ook die koek voorsit met vanieljevla vir 'n ander geur.
Krummellaag
Voer broodpan van 18 x 8 cm met bakpapier uit en spuit met kleefwerende kossproei.
Verhit oond tot 160 °C (ja, die koek bak by laer temperatuur).
Plaas strooisuiker, meel en botter in mengbak en vryf met vingerpunte tot growwe tekstuur vorm.
Voeg vanieljegeursel en klapper by en meng saam.
Hou eenkant.
KOEK
Klop botter, room, eiers, vanielje en suiker saam met elektriese handklitser tot lig en romerig.
Voeg meel, sout en bakpoeier by en meng tot gladde beslag.
Skep beslag in voorbereide pan.
Plaas heel pere in beslag.
Skep krummels oor.
Bak vir 40-45 minute of tot toetspen skoon uitkom.
Laat afkoel en haal uit pan.
Sit voor.
