VULSEL
- Smelt botter in middelslagpot oor hoë hitte.
- Voeg preie by en roerbraai tot sag en deursigtig, sowat 5-6 minute.
- Voeg bier by en laat kook vir 2-3 minute of tot vloeistof met helfte verminder het.
- Meng koekmeel en room saam met ballonklitser.
- Gooi by preie en hou aan klits tot mengsel soos witsous verdik en ’n blink voorkoms het, 3-4 minute.
- Verwyder van hitte en voeg mosterd en pietersielie by.
- Roer gevlokte ham by.
- Proe en pas geur aan met sout en peper – ham kan soms sout wees.
- Laat vulsel in yskas afkoel terwyl jy kors maak: Plaas broodmeel en botter in elektriese menger.
- Klits op medium spoed met K-spaan tot mengsel soos growwe broodkrummels lyk.
- Meng intussen eiers, water en sout saam.
- Voeg eiermengsel by meelmengsel terwyl menger loop – voeg net genoeg by tot mengsel in sagte, hanteerbare deegbal saamkom. Verdeel deeg in helfte en dan die een helfte in nog twee helftes – jy gaan drie deegballe hê.
AANMEKAARSIT
- Spuit 22 cm-losboomkoekpan met kleefwerende kossproei.
- Sprinkel werkvlak ruim met broodmeel.
- Rol groot deegbal uit tot sowat 5 mm dik.
- Rol deegvel op koekroller en dan oor voorbereide pan.
- Voer pan uit met deegvel en sorg dat daar sowat 5 cm deeg oor die rande van die pan hang.
- Skep koue vulsel in uitgevoerde pan.
- Rol een van die kleiner deegballe ook op ’n meelbestrooide oppervlak uit tot 5 mm dik.
- Sny in sirkel van 22 cm en plaas bo-oor vulsel.
- Knyp die twee deeglae met jou vingerpunte aan mekaar vas om dit te seël.
- Vou die deegrand wat oorhang na binne en vorm in ’n mooi patroon (sien foto).
- Sny sirkel van sowat 2 cm uit middel van deegdeksel om vulsel te wys.
- Maak klaar Verf deeg met geklitste eier.
- Rol laaste stuk deeg uit tot 5 mm dik.
- Sny met koekiedrukkers patrone uit die deeg of skryf ’n Kersboodskap met alfabetletters.
- Plaas op deegdeksel.
- Meng steenkool met oorblywende eier en verf op patrone of letters.
- Plaas in yskas vir 2 uur. Verhit dan oond tot 180 ºC.
- Bak pastei vir 1 uur of tot goudbruin en gaar.
- Laat afkoel tot louwarm.
- Haal uit pan en sit voor.
