- 45 ml - olyfolie
- 600 g - kort lamskenkels
- 1 - ui, fyngekap
- 2 - knoffelhuisies, fyngekap
- 15 ml - fyn koljander
- 15 ml - fyn komyn
- 115 g-bakkie - tamatiepasta
- 2 liter (2 000 ml) - beesvleisaftreksel
- 2 x 410 g-blikke - botterbone, gedreineer
- - sout en varsgemaalde swartpeper
- - hand vol vars pietersielie, fyngekap
Verhit ’n groot pot oor hoë hitte tot warm. Voeg olyfolie by en braai skenkels 3-4 minute of tot skenkels oral oorgoudbruin is.
Haal skenkels uit pot en hou eenkant.
Voeg uie, knoffel, koljander en komyn by en roerbraai 2 minute. Voeg tamatiepasta by en braai nog 1 minuut.
Plaas skenkels terug in pot en roer deur. Voeg aftreksel by en bring tot kookpunt. Kook 30-35 minute of tot lam sag is en van die been af val, voeg nog vloeistof by as dit te vinnig wegkook.
Verwyder van hitte en voeg botterbone by. Geur met sout en peper. Voeg pietersielie by en meng deur.
Sit voor met brood van jou keuse.
