- BESLAG -
- 3ml - koeksoda
- 65ml - melk
- 1 - eier
- 15ml - appelkooskonfyt
- 10g - botter, gesmelt
- 100g - bruismeel
- 50g - strooisuiker
- 1ml - sout
- SOUS -
- 125ml - water
- 125ml - room
- 115g - botter
- 100g - suiker
- 5ml - vanieljegeursel
1 x basiese 20 cm-tertkors (resepskakel hier), gebak
Beslag:
1. Verhit oond tot 180 ºC.
2. Meng koeksoda en melk saam.
3. Voeg eier, konfyt en botter by en meng deeglik.
4. Sif meel, strooisuiker en sout saam in mengbak en maak holte in middel van meel.
5. Voeg nat bestanddele by en roer goed saam tot gladde beslag.
6. Gooi in gebakte tertkors.
7. Bak in warm oond vir 20-25 minute tot gaar.
Terte betower elke keer, soet of sout. Saam met goeie rooibostee, waarvoor kan jy meer vra?
— Herman Lensing
Sous:
1.Terwyl poeding bak, kook al die sousbestanddele saam.
2. Sodra tert-poeding uit oond kom, steek dit vol gaatjies met vurk, gooi sous oor en wag tot dit intrek.
3. Sit louwarm voor met roomys en vla.
WENK!
Maak jou eie bakkersvla:
1. Klits 3 eiergele, 65 g (75 ml) strooisuiker, 25 ml koekmeel en 25 ml mielieblom saam.
2. Voeg 300 ml warm melk by en klits.
3. Gooi in skoon pot en klits oor hoë hitte tot dik en romerig, sowat 5-6 minute.
4. Laat afkoel en gebruik as versiering op tert.
