Die druk van ’n knoppie ...
Toyota sê die nuwe Land Cruiser Prado, wat binne die volgende maand of wat in Suid-Afrika beskikbaar gaan wees, is een van die tegnologies gevorderdste veldryvoertuie ter wêreld, maar dis terselfdertyd maklik om te bestuur.
Die nuwe vyf- of driedeur-Prado (met vyf of sewe sitplekke) word aangedryf deur ’n opgeknapte 3 liter-D-4D-dieselenjin, ’n 2,7 liter-2TR-FE-petrolenjin of ’n 4 liter-V6 Dual VVT-i-petrolenjin.
Buiten die nuwe voorkoms, kan jy die volgende verwag:
- Aangepaste vering vir ekstra rygerief en beter hantering;
- Topmodelle het ’n nuwe elektroniese Kinetic Dynamic-veringstelsel (KDSS), wat die voorste en agterste teenrolstawe verstel vir beter verrigting op teer en in die veld;
- Die veelterreinverstelling (Multi-terrain Select) beheer kraglewering en remvermoë outomaties vir beter verrigting in uiteenlopende veldryomstandighede;
- Die Steering Angle Display wys jou hoe jou wiele gedraai is, en voorspel ook die wiele se roete;
- Met kruipbeheer (Crawl Control) kan die bestuurder uit vyf verstellings kies om ekstreme omstandighede met selfvertroue baas te raak
- – sonder om aan die versneller of remme te raak;
- Die agterluik het ’n glasdeur wat na bo oopmaak, sodat jy in die laairuimte kan kom, selfs al is die ruimte rondom die agterkant beperk;
- ’n Afsonderlike lugversorgingseenheid vir die agterste sitplekke.
Hoeveel? Teen druktyd was die pryse nog nie bekend nie.
Lees ook: 2010 |
Oorspronklik gepubliseer in WegRy #15 | Okt-Nov 2009












