Mode: Die mooiste van ’n ewige somer

Blouer as blou

Wees op die uitkyk vir helderkleurige bykomstighede vir 'n verfrissende aanslag op die eenkleurige eenstuk.

Blou strooihandsak (R299), Me&B. Blou patroonserp (R270), Lovisa. Beige visnettop met blinkers (R899), Zara. Wit eenstuk van katoen met vallemoue (vanaf R920), Pretpakkie. Silwerkleurige haksandale (R579), Woolworths. Foto: Leana CR

GROOTTES

Top: S - L

Eenstuk: S - XXL

Sonstraaltjie

'n Gemaklike benadering met glansryke aksente is hoe ons hierdie somer in die moet-hê-snyerskortbroek wil lyk.

Geel snyerskortbroek van herwinde poliëster (R769), Zara. Wit katoenbloes (R429), H&M. Goue bytjie-halssnoer met kunspêrels en diamanté-detail (R300), Lovisa. Foto: Leana CR

GROOTTES

Broek: XS - XXL

Bloes: XS - XL

Uitgepof

Kry 'n groot dosis sonskyn in 'n prettige suurlemoenpatroonrok met die pofmou waarvan modeliefhebbers net nie genoeg kan kry nie.

Lospassende kort suurlemoenpatroonrok (R950), Mareth | Colleen. Diamanté-oorbelle (R400), Lovisa. Ligpienk oorgroot sonbril (R3 880), Burberry by Sunglass Hut. Foto: Leana CR

GROOTTES

Rok: XS - L

Vrolike draai

Wie wil nou nie draai en swaai in 'n lospassende maksirok nie? Dié somer se staatmakerrok is vroulik en vir daardie ekstra oemf is blinkers en hakskoene perfek.

Lospassende blou-en-wit patroonmaksirok van viskose-mengelstof (R999), Me&B. Blokhakskoene van wit kunsleer en kunshout (R599), Woolworths. Oranje-en-silwer blinker-palmhandsak met kettingband (R899), Zara. Foto: Leana CR

GROOTTES

Rok: 32 - 46

Op goeie voet

Sit 'n tikkie Spaanse flair by 'n someruitrusting met niks anders as 'n gemaklike espadrille-skoen nie. En wat is beter as een wat ook die groot denimtrend verteenwoordig.

Wit-en-blou gestreepte hemp van linnemengelstof (R499), Foschini. Oranjegeel kort top van linnemengelstof (R379), H&M. Roomkleurige gebreide katoenromp met kant onder (R1 299), Zara. Denim-espadrilles (R399), Foschini. Foto: Leana CR

GROOTTES

Hemp: XXS - XXL

Top: XS - XL

Romp: S - L

Salig in die son

Laat die klassieke denim-en-T-hemp-kombinasie skitter met 'n blinkerbaadjie. Die perfekte staatmaker vir daardie koeler someraande.

Blinkerbaadjie (R1 999), Zara. Wit-en-oranje gestreepte katoen-T-hemp (R189), Foschini. Denim-midi-romp (R459), Foschini. Foto: Leana CR

GROOTTES

Baadjie: XS - L

T-hemp: XXS - XXL

Romp: 10 - 28

Knus omvou

'n Knoop- of ritstrui is soos 'n drukkie, ook vir somer. Van skoolmeisiestyl tot informele gemak, omvou jou in 'n liggewigtrui met interessante detail.