Styl

Mode-ontwerper Carolina Herrera se gunsteling-item

Sy is stylvol, inspirerend en het 'n ongelooflike loopbaan in die modebedryf. Carolina Herrera se gunsteling onder alle mode-items sal jou verbaas.

Dit is niks anders nie as 'n eenvoudige, klassieke wit hemp.

Een wit hemp; drie maniere

1939 - Die 76-jarige ontwerper is in Venezuela gebore .

1968 -  Sy trou met Reinaldo Herrera, seun van 'n bekende suikerplantasie-eienaar, en begin met 'n stralerjakker-leefstyl. Sy skuur gou skouers met bekendes soos kunstenaar Andy Warhol, prinses Margaret van Brittanje en rock-ster Mick Jagger.

1980 -  Carolina Herrera haal die International Hall of Fame se lys van Bes Gekledes. Sy en haar man verhuis ook na New York.

1981 - Legendariese Vogue-redakteur Diana Vreeland moedig Carolina Herrera aan om haar eie reeks te ontwerp en sy stel haar Herfsreeks bekend in New York.

1986 - Sy ontwerp Caroline Kennedy (dogter van John F Kennedy & Jacqueline Kennedy) se trourok en raak onmiddellik bekend in Noord-Amerika.

1988 -  Sy stel haar eerste parfuum bekend.

1996 - Haar dogter Carolina Herrera de Báez sluit haar by die onderneming aan as kreatiewe direkteur van Herrera's House of Fragrances.

2000 - Carolina Herrera maak haar eerste vlagskip-boetiek oop op die hoek Madison Avenue en 75th Street in New York. Dis 'n gebou van vier vloere.

2001 - CH Carolina Herrera word bekend gestel - 'n pasklaar reeks (ready to wear) vir mans, vroue en kinders.

2004 - Carolina Herrera ontvang die CFDA-toekening vir Womenswear Designer of the Year; asook die Glamour-toekenning vir "Woman of the Year".

2006 - 'n Boetiek word oopgemaak in Melrose Place, Los Angeles.

2007 - CH Carolina Herrera-parfuum word bekend gestel.

2008 - Die CFDA vereer Herrera met die Geoffrey Beene Lifetime Achievement-toekenning.

2011 - Carolina Herrera ontwerp die trourok van Bella vir die fliek Twilight: Breaking Dawn Part 1.

2012 - Herrera ontvang 'n eredoktersgraad in beeldende kunste van New York se Fashion Institute of Technology.

Saartjie Modeblog

SPELETJIES VANDAG

Spesiaal vir intekenare!CTA

Elke dag ’n nuwe blokraai, sudoku en woordblom asook ’n weeklikse vasvra élke Vrydag. 

SPEEL SAAM