Tweed en kant
'n Tweedbaadjie is 'n moet-hê in jou kas. Saam met 'n wyepyp-kantbroek is dit vroulik en sensueel. Ouer vroue kan steeds die voorkoms geniet deur 'n wit spanbroek onder die kantbroek te dra.
Treffer-hemp
Een van die nederigste items in jou kas, die wit hemp, is luuks en sensueel met deursigtige organza - hier by die moue en agterkant. Dis 'n treffer saam met 'n klassieke 1950's-romp tot 'n broekpak.
Waag 'n bietjie
Skitter in wit met 'n blinker-potloodromp. Die romp is 'n wenner van dag tot aand. Dra dit saam met 'n bloes of hemp, of as jy bietjie meer wil waag, met 'n kort top.
Snyerspak
Klassieke eenvoud kraai koning met hierdie kortbroekpak. 'n Snyersbaadjie deurstaan mode se toets van tyd en beweeg naatloos van een uitrusting tot 'n volgende.
Uitblinker
Blink uit in 'n eenvoudige wit slooprok deur metaalkleure soos silwer of goud daarmee saam te dra. Blinkers is die glans vir jou skilderdoekwit.
Broderie anglaise
'n Broekpak kry 'n nuwe baadjie in die somer se moet-hê-tekstuur: broderie anglaise. Van informeel saam met 'n moulose top tot treffend vir die kantoor met stylvolle hakke.
Een vir jou
As daar een rok is wat jy dié somer moet koop, is dit 'n wit een. Kies uit vele snitte en materiale, daar is een vir elke vrou.
Vroulike valle
As deel van die Girlcore-trend was strikke tot valle oral te sien op die loopplanke. Rond 'n uitrusting vroulik af met 'n vallebloes.
Dankie
Spesiale dank aan Mildie Malan vir die gebruik van haar pragtuin en vir haar gasvryheid. Vir meer inligting, kontak
Mode-assistent Jancke Potgieter
Model Ariël van Heerden van Ice Models
Grimering en hare Mary Gouveia van Lustre
Grimering-en-hare-assistent Vanja Pienaar
