Kort of lank en altyd stylvol. Hier is 6 van ons modespan se beste wenke vir die kortes en langes onder ons.
Wenke vir ’n lang vrou:
#1 Koop basiese items wat jou pas
Koop ’n lang T-hemp, dis altyd ’n staatmaker in jou klerekas.
#2 Slaan jou broekspype om
Indien jou broek te kort is, slaan die pype eerder om sodat dit lyk asof dit “korter” móét wees.
#3 Dra hakskoene
Hakskoene laat jou voete kleiner lyk. Indien jy nie te lank wil wees nie, dra eerder ’n hakskoen met effens laer hakke.
Lees nóg wenke HIER
Wenke vir ’n kort vrou:
#1 Rompe of rokke met splete
Om selfs net ’n bietjie been te wys kan jou werklik laat langer laat.
Lady Gaga (1,55 m) wys been
Embed from Getty ImagesNicole Richie (1,55 m) wys been
#2 Uitklok-jeans
Indien jy uitklok-jeans dra, maak seker jou tone steek uit en dra dit verkieslik met hakskoene. Indien die jeans op die grond sleep, is dit nie reg vir jou nie. Jou tone of voete móét wys, want dit skep die illusie dat jy langer is.
#3 Lang jasse
’n Langer jas flous die mense rondom jou, aangesien jy langer voorkom. Maak net seker die jas pas jou perfek.
Natalie Portman (1,6 m) in ’n moulose lang jas
Onthou: Jy's perfek soos jy is. Maar vier jou uniekheid met jou eie styl en mode-gier.













