Styl

Skoonheidswêreld se nuwe móét-hê-lipproduk

’n Nuwe lipproduk het die skoonheidswêreld oorrompel: Dit lyk soos ’n lipglans en word droog soos ’n mat-lipstiffie maar hou ure op jou lippe.

Deesdae skep byna elke skoonheidshuis hul eie weergawe van die sogenaamde vloeibare liptint. En ons kan verstaan hoekom … “Jy kan maar sê dit is ’n super-lipproduk wat die voordele van onderskeidelik ’n lipglans, ’n mat- én ’n room-lipstiffie in een bied,” sê Meagan Africa, nasionale opleidingsbestuurder by die grimeerhuis Smashbox.

As jy nog nie oortuig is van dié unieke lipkleur se voordele nie, is hiér vyf redes waarom jy ook ’n vloeibare liptint in jou grimeersakkie behoort te hê.

#1 Die formule is vloeibaar en gly maklik aan …

… maar blink nie soos ’n lipglans nie en voel nie swaar op jou lippe nie.

#2 Dit het ’n mat-afwerking

Die meeste liptinte het ’n mat-afwerking, maar die pigment van ’n liptint is sterker as dié van ’n mat-lipstiffie en sorg vir meer kleur.

#3 Dit smeer nie sommer nie

Danksy die unieke formule en intense kleur hou ’n liptint lank op jou lippe. Sommige produkte kan trouens net met ’n grimeerverwyderaar verwyder word.

#4 Dis bevogtigend

Waar mat-lipstiffies soms ook jou lippe droog kan laat voel, is dit nie die geval met ’n liptint nie omdat die formule bevogtigend is.

#5 Dis ekonomies

’n Liptint sal jou lank hou omdat net een veeg nodig is vir die mooiste kleur op jou lippe. Jy kan dan nog aanwend om die kleur op te bou en meer intens te maak.

Hiér is ’n paar top- vloeibare liptinte:

Lees nou

Wát? Geel blos op jou wange?

Gesonde hare belangriker as seks, verklap peiling

Monica Pienaar

SPELETJIES VANDAG

Spesiaal vir intekenare!CTA

Elke dag ’n nuwe blokraai, sudoku en woordblom asook ’n weeklikse vasvra élke Vrydag. 

SPEEL SAAM