Die meeste van ons het altyd die Nuwejaarsvoorneme om gesonder te leef. Helaas kry net sekeres van ons dit reg om heeljaar daarby te hou, en Desember is veral moeilik ... Maar hier is idees vir diegene wat dié tyd van die jaar steeds hou by die voorneme om gesond te leef. ’n Slim mens begryp gesondheid is sy waardevolste besitting.
- Hippokrates
Maak jou eie jogurt sonder die ekstra suiker
Jogurt-maker, R239, van Clicks

Eet (en drink) lekker gesond
Nutribullet, R1 999 van takealot.com

Groen vingers is goed vir jou
Volgens studies is dit goed vir jou om met groen plante omring te wees. Vir die plantliefhebber is die potplant (R195) van Weylandts net reg.

Natuurlike produkte vir bederftyd
Albei dié produkte van Lush is veganisties en natuurlik: Dit bevat dus geen bestanddele wat van diere af kom nie, asook geen chemies vervaardigde of sintetiese bestanddele nie. The Magic of Christmas Re-Usable Bubble Bar (R95) van Lush.Hou dié stokkie onder 'n lopende kraan terwyl jy badwater intap om ’n skuim-hemel te vorm. Dit bevat kaneel en organiese naeltjie wat jou lyf se sirkulasie aanwakker.

Lush Shoot For The Stars Bath Bomb (R65). Sodra jy die bal in jou badwater gooi, los dit op en stel verfrissende sitrusgeure vry. Dit bevog ook jou lyf met olyfolie en kakaobotter.














