Hatfield in Pretoria sal nooit weer dieselfde wees nie - die ikoniese kostuumwinkel Jules Theatrical Costume Hire het sy deure vir die laaste keer gesluit.
Jules Silberg het sy eerste winkel, Jules Apteek, in 1940 op Kerkplein, Pretoria, begin. Silberg is as grimeerkunstenaar opgelei. Hy het in Hollywood op rolprentstelle gewerk en het met van die mees ikoniese flieksterre van die era verkeer.
Silberg het saam met grotes in die grimeerwêreld soos Max Factor gewerk en al die kunsies van die ambag geleer.
Silberg het 'n groot belangstelling in chemie en grimering gehad en het sy eie reeks skoonheidsprodukte begin wat hy by sy apteek begin verkoop het.
Die produkte was baie gewild onder plaaslike vroue en was voortdurend uitverkoop. Hy was ook 'n ywerige verhoog- en televisiegrimeerkunstenaar.
Toe hy later met Gail trou het hulle die behoefte, saam met die grimeringverkope, gesien vir 'n betowerende kostuum-huurwinkel, aangesien mense in karakters omgeskep wou word vir 'n aand of 'n dag met masker- en aantrekpartytjies. Die winkel het gegroei met honderde kostuums en maskers te huur.
Met die Universiteit van Pretoria reg op hul voorstoep en duisende studente wat na jool, Halloween, St. Patrick's Day, lentedag en enige ou temapartytjie waaraan hulle kon dink, moes gaan, het die behoefte aan voorraad gegroei.
Toe Brad, hul seun, by die winkel aangesluit het, het hy saam met sy ma na die buiteland begin reis om interessante kostuumdrag te koop wat nie plaaslik beskikbaar was nie - bykomstighede, maskers, hoede, pruike, kostuums, grimering en meer. Honderde temas - "Hawai", "Cleopatra", mummies en hekse, matrose, kabouters, stoute verpleegsters, politici, feetjies en kabouters, narre en meer - die winkel was 'n groot sukses en het 'n moet vir elke partytjieliefhebber geword. Ná Silberg se heengaan het Gail en Brad die winkel aan die gang gehou met voortdurende reise na die buiteland vir meer voorraad.
Toe Covid tref, het dit hul besigheid ook hard getref. Die Silbergs moes ook verhuis van hul perseel waar hulle langer as 20 jaar was. Soos altyd het hulle met grasie en gretigheid 'n winkel in hul nuwe spasie opgestel. Ongelukkig het Gail en Brad groot gesondheidsprobleme begin ondervind en daaglikse sake is nog moeiliker gemaak. Gail is onlangs oorlede en Brad het besluit om die onderneming te laat vaar.
En hier is die kans van 'n leeftyd vir die publiek - 'n eenmalige kans om die hele voorraad van hierdie ikoniese kostuumwinkel te besit.
Duisende items wat oor baie jare versamel is: nuwe voorraad; vintage-voorraad; klassieke maskers; versamelbare kostuums en meer.
- Kry die katalogus nou aanlyn by oldjwauctioneers.com.
- Aanlyn veiling op 28 September om 09:00. Besigtiging slegs op afspraak op 26 en 27 September, Winkel 3&4, The Fields Centre, Burnettstraat 1050, Hatfield, Pretoria.Vir meer inligting kontak Brad Silberg by 062 070 5590.
