Hierdie unieke woning se ruimte, elegansie en karakter spreek vanself en is die perfekte kombinasie van modern en klassiek.
Lewe sorgvry in hierdie rustige en veilige omgewing.
Op die onderste vlak is die studeerkamer en kombuis, albei met hoëgehalte-afwerkings. Daar is ook 'n gastetoilet, twee leefareas, 'n eetkamer en 'n patio.
Die dubbelvolume-leefareas skep 'n gevoel van ruimte, lig en vloei na buite, waar die swembad, omring deur 'n lowergroen tuin, van dié woning 'n heerlike onthaalhuis maak.
Op die boonste verdieping is vier slaapkamers met gehaltehoutkaste en twee badkamers. Die hoofslaapkamer is besonder ruim met 'n volledige en suite- badkamer, asook 'n balkon wat oor die tuin kyk. Ekstras sluit in drie lugverkoelers, 'n huiswerker- en badkamer, vier stoorkamers, 'n dubbelmotorhuis, kragopwekker, besproeiing- en alarmstelsel met veiligheidskameras en sensors om die huis.
Waterkloofrif is gerieflik geleë naby aan skole, die Universiteit van Pretoria, winkelsentrums en snelweë.
Kortliks:
Area: Waterkloofrif, Pretoria
Prys: R7 300 000
Heffing: R2 300 per maand
Huisgrootte: 515 m²
Erfgrootte: 2 054 m²
Slaapkamers: 4
Badkamers: 3
Motorhuise: 2
Parkering: 10
Agent: Aïda.
Bel Stephan Oberholzer by 071 760 4384 of stuur e-pos na stephan@aidapta.co.za.
Vir meer inligting, besoek property24.com en gebruik die verwysingsnommer 112751159.
