In die prestigeryke Welgedacht-landgoed in Stapeliastraat, in Kaapstad se noordelike voorstede, wag daar 'n merkwaardige geleentheid om 'n lieflike vyfslaapkamerhuis te bekom.
Hierdie argitekontwerpte woning vang die essensie van 'n luukse leefstyl vas en bied 'n harmonieuse mengsel van styl en funksionaliteit.
Die bo-vertrekke word in natuurlike lig gebaai en loop uit op 'n bekoorlike balkon.
Hierdie balkon bied 'n asemrowende panoramiese uitsig op die omliggende omgewing en skep die ideale plek waar jy net kan ontspan en die skoonheid van die natuur indrink. Op die ondervlak loop die noordfront-vertrekke uit op 'n patio wat oor die keurig versorgde tuin uitkyk en jou nooi om buite te ontspan en te onthaal.
Die oopplan-eetkamer-en-sitka-mergedeelte bied 'n ruim vertrek waar gaste onthaal kan word en tyd saam met geliefdes deurgebring kan word.
Die bo-vlak van die huis spog met drie goed toegeruste kamers, waaronder 'n luukse hoofslaapkamer met 'n en suite-badkamer. Die ander kamers het ook en suite-badkamers vir die toppunt van gerief en privaatheid.
Die "hart" van die huis word in die volledig toegeruste kombuis vasgevang, waar alle kulinêre aspirasies gestalte kan aanneem. Daar is hope ingeboude kaste en mooi granietwerkoppervlakke. 'n Eethoekie waar vier mense kan aansit, is 'n bekoorlike ruimte vir informele etes, terwyl 'n aparte waskamer cum opwaskombuis die gerief van dagtake bevorder.
Die insluiting van 'n instapspens verseker genoeg ruimte vir kruideniersware en kombuisbenodigdhede.
Op die ondervlak wag 'n goed toegeruste studeerkamer. Twee ekstra slaapkamers met en suite-badkamers bied gerieflike verblyf vir gaste of familie. Die insluiting van 'n kombuisie lewer nog 'n element van gerief.
Daarbenewens bied 'n beveiligde argiefvertrek ruimte vir die veilige bewaring van belangrike dokumente en waardevolle goed.
Daar is 'n verwelkomende binnebraai-area. Die bekoring van etes en onthaal in die buitelug word aangevul deur die gevestigde tuin.
In die hoofslaapkamer en sitkamer is daar lugreëlaars, daar is 'n 5 000-liter-tenk waar water geberg kan word en die gerief van koopkrag.
Inwoners kan die rustigheid van die omgewing geniet, terwyl hulle steeds naby aan puik skole, die prestigeryke Bellville-gholfklub en gewilde winkelsentrums soos Tygervallei en Willowbridge is. Dan is daar natuurlik ook die wêreldbekende Durbanville-wynroete.
"Hierdie bekoorlike gesinswoning bied 'n uitsonderlike geleentheid om 'n woning van ongeëwenaarde sofistikasie en gerief te bekom," sê Tanya Jovanovski, franchisehouer van Rawson Auctions Wes-Kaap.
- Die eiendom sal op 26 Julie om 12:00 opgeveil word. Die reserweprys is R5,6 miljoen. Kontak Walter Hansby by 082 907 2333 of vir Jovanovski, die hoofafslaer, by 079 980 3457 om te reël vir besigtiging. Kontak die veilingspan by auctions.info@rawson.co.za of 079 980 3457.
