Ervaar die toppunt van 'n luukse leefstyl in hierdie asemrowende woonstel met sy twee slaapkamers en twee badkamers in die hartjie van Nuweland, een van Kaapstad se mees gesogte woonbuurte.
Hierdie woonstel met sy oopplanleefdeel wat naatloos aansluit by 'n ruim balkon bied 'n asemrowende uitsig saam met die moderne elegansie van die woonstel self.
Die eenheid spog met twee slaapkamers met ingeboude kaste en vinielhoutvloere met skuifdeure wat op die ruim balkon uitloop. Die hoofslaapkamer se en suite-badkamer is elegant ontwerp met 'n stort, wasbak, toilet en smaakvol geteëlde vloere. 'n Addisionele badkamer met bad, stort, wasbak en toilet verseker dat daar in almal se behoeftes voorsien word. Die ooplan-sitkamerarea het ook vinielhoutvloere en loop ook uit op die balkon. 'n Ekstra gerief is die gastebadkamer.
Die kombuis is 'n kok se droom met sy vinielhoutvloer, 'n gaskookvlak, oond, uitsuigwaaier en genoeg ingeboude kaste.
Die eenheid bied ook die gerief van lugreëling in die sit- en slaapkamers en veilige onderdakparkeerplek vir twee voertuie
Dit bied 'n potensiële huurinkomste van R26 000 per maand.
- Die eiendom sal op 30 Augustus om 12:00 opgeveil word. Die reserweprys is R4,7 miljoen. Kontak Ilda Santiago by 084 762 7195 of Jenni James by 084 762 7195.
