Die Olimpiese marathonatlete Stephen Mokoka en Elroy Gelant is albei ingesluit in die Suid-Afrikaanse span wat op 30 September en 1 Oktober aan die Wêreld-padwedloopbyeenkoms in Riga, Letland, deelneem.
Atletiek Suid-Afrika (ASA) het ook 12 ultra-atlete gekies om op 5 November in Hyderabad, Indië, aan die Wêreld-ultra-wedloop oor 50 km deel te neem.
Die span sluit onder andere Adele Broodryk, naaswenner in die afdeling vir vroue in vanjaar se Comrades-wedloop, in.
Die span wat aan die Wêreld-padwedloopbyeenkoms sal deelneem is:
Halfmarathon: Mans: Thabang Mosiako, Precious Mashele, Stephen Mokoka, Elroy Gelant. Vroue: Glenrose Xaba, Cacisele Sosibo, Cian Oldknow, Kesa Molotsane.
5 km: Mans: Nicolas Seoposengwe, Maxime Chaumeton. Vroue: Tayla Kavanagh, Kyla Jacobs.
Myl-wedloop: Mans: Ryan Mphahlele. Vroue: Carina Viljoen.
Die span wat aan die 50 km-ultrabyeenkoms sal deelneem:
Mans: Dan Matshailwe, Nkosikhona Mhlakwana, Pule Sibeko, Gladwin Mzazi, Sikhumbuso Seme, Rufus Photo. Vroue: Adele Broodryk, Jenet Mbhele, Stella Marais, Makhosazane Mhlongo, Galaletsang Mekgoe, Deanne Laubscher.
