Johan Ackermann, wat die afgelope week deur Victor Matfield as een van sy gunstelinge vir die Bok-afrigterspos bestempel is, is besig om Japan op horings te neem.
Sy span, Urayasu D-Rocks, het 14 wedstryde agtereenvolgens gewen en speel volgende naweek uit om 'n plek in die Japanse Topliga. Hulle ding tans in die B-afdeling van Japanse rugby mee.
Die oud-Bok-slot Matfield het die afgelope week gesê dít wat Ackermann destyds by 'n sukkelende Leeus-span reggekry het, is 'n bewys dat hy puik sal vaar as Jacques Nienaber se opvolger.
