Frankryk het 'n oninspirerende vertoning gelewer om Australië Saterdag met 2-1 in hul Groep C-wedstryd in die Wêreldbeker-sokkertoernooi in Rusland te klop.
Dit is die eerste wedstryd in die geskiedenis van die toernooi waarin 'n strafdoel deur middel van die TV-skeidsregter toegeken is.
Teen rustyd was die telling gelykop met 0-0, waarna Antoine Griezmann die Franse se rekening in die 58ste minuut geopen het. Die Aussie Mile Jedinak het skaars vier minute later die telling gelykop gemaak, waarna Paul Pogba vir die Franse weer in die 80ste minuut toegeslaan het. - Sportredaksie
