Verskeie betogings reeds in Gauteng onderweg
Maandag is daar reeds verskeie optogte oor Gauteng heen aangemeld in aanlop tot verwagte betogings teen onwettige immigrante Dinsdag.
In Germiston aan die Oos-Rand is ’n optog in Queenstraat aangemeld. Mense betoog ook op Dane-weg in die Rabie Ridge omgewing en beweeg in die rigting van Allandale-weg, volgens beskikbare inligting.
Volgens die Gautengse gesamentlike operasionele komitee (JOC) is daar verdere betogings in Jabulani, Crown Mines, Benoni en Pretoria-Wes.
Daar is ook ’n groot saamtrek in Soweto onderweg.
