Marlene Neumann van Oos-Londen se foto-uitstalling, Full Circle, kan dié naweek in Kentweg 8, Vincent, Oos-Londen, besigtig word. Bel haar by 083 321 3391 of stuur e-pos na aanneumann@worlonline.co.za.
Craig Banks, Oos-Londen: Hy skep onder meer vir sy kliënte portrette uit die as van hul geliefdes wat met houtskool gemeng word. Kontak Banks per e-pos by craigbanksart@ gmail.com of stuur 'n WhatsApp-boodskap na 063 928 7859. Besoek sy webtuiste by craigbanksart.co.za, sy Facebook-blad, Instagram-blad en X-profiel om sy werk te besigtig en vir nog inligting.
Lez Dor, Gqeberha: Haar formele aanslag tot kuns word beïnvloed deur kunsklasse wat sy by bekende kunstenaars soos Neil Rodger, Hilary Graham, Robert Brooks en Greg Kerr ontvang het. Bel haar by 084 799 7777, stuur 'n e-pos na lezdor@gmail.com of besoek haar webtuiste by www.lezdor.com.
Llise Dodd, Elandsriviervallei in die Oos-Kaap: Die kunstenaar skilder tonele met 'n surrealistiese aanslag. Haar onlangse solo-uitstalling, Landmark, in Gqeberha het gesprekke aangewakker oor die herkenbare nostalgiese elemente in haar werk. Bel Dodd by 076 282 3953, of besigtig haar werk op Facebook of op Instagram.
Nico Swart, Gqeberha: Sy houtdraaikuns kan op afspraak by sy ateljee, Barnesta, in Dobsonstraat 22 in Noordeinde besigtig word. Bel hom by 041 487 0487 of 083 299 0298 vir nog inligting oor sy houtdraaikuns of die klasse wat hy aanbied.
Petra Stiglingh, Jeffreysbaai: 'n Groepuitstalling kan in dié kunstenaar se galery, die Petra Stiglingh-kunsgalery, besigtig word. 'n Groot verskeidenheid hoëgehalte-kunsmateriaal is te koop. Bel haar by 072 388 8738 vir nog inligting.
Stuur kunsnuus na Willemien.Green@dieburger.com.
