- 1 - groot gerookte ham (gammon), vel aan (ons s’n is 3 kg)
- 2 - uie, gehalveer
- 4 - lourierblare
- 10 - swartpeperkorrels
- - hand vol heel kruienaeltjies
- NEUTEKORS -
- 180ml - heuning
- 200g - (250 ml) suiker
- 80g - (85 ml) botter
- 250ml - droë broodkrummels
- 50g - pistasieneute
- - hand vol pietersielie, grofgekap
- GLASEERSEL -
- 500g - fles heuning
- 60ml - korrelmosterd
- 90ml - nartjiesap (of lemoensap)
Koue ham vir ons warm Kersfees is heerlik. Jy kan dit ook warm voorsit indien so verkies.
Plaas ham in groot kastrol.
Voeg uie, lourierblare en peperkorrels by.
Bedek met water en bring tot kookpunt oor hoë hitte.
Kook 30 minute per 500 g, minus 30 minute vir die tyd wat die ham moet bak. (Die 3 kg-ham het 2½ uur lank gekook.)
Haal versigtig uit water en trek vel af terwyl nog warm sodat vetlaag wys.
Plaas in oondroosterpan.
Gebruik 'n skerp mes om 'n diamantpatroon in die vetlaag te sny.
Druk 'n kruienaeltjie in elke vetdiamant. (Jy kan dit alles doen die dag voor jy die ham voorsit.)
Neutekors
Plaas heuning en suiker in middelslagpot en roer oor lae hitte tot suiker opgelos het, soos heuning warm word sal suiker smelt.
Kook vir 5-8 minute of tot donkergoue karamel vorm.
Voeg botter by en skud pan liggies heen en weer tot botter ingesmelt is.
Keer uit op bakplaat wat met olie gesmeer is.
Laat afkoel tot hard.
Plaas in voedselverwerker met broodkrummels, neute en pietersielie.
Pols op hoë spoed tot fyn poeiermengsel.
Hou eenkant.
Glaseersel
Verhit oond tot 180 °C.
Plaas al die bestanddele in middelslagpot en bring tot kookpunt.
Laat prut vir 1 minuut en verwyder van hitte.
Giet mengsel oor ham.
Plaas ham oop in warm oond en rooster 30 minute.
Skep elke 10 minute van die glaseersel in die pan bo-oor die ham.
Bak tot ham goudbruin is.
Laat afkoel tot koud.
Rol ham in neutekors en plaas op dienbord met pansous.
Sit voor.
