- BEESROL -
- 30ml - olyfolie
- 1 - ui, grofgekap
- 4 - heel knoffelhuisies
- 4 - selderystingels, in skywe gesny
- 1 - wortel, gesny
- 15ml - heel vinkelsaad
- 1 - beesborsrol, sowat 2 kg (vra jou slagter om dit vir jou so te sny)
- 410g - blik tamatiepuree
- 750ml - bottel rooiwyn
- - sout en varsgemaalde swartpeper
- BONE -
- 2 x 410g - blikke wit bone (cannellini), gedreineer
- 10 - kappertjiesade (capers)
- 4 - ansjovisfilette, fyngesny
- - gerasperde skil van 1 suurlemoen
- 500ml - hoenderaftreksel
- 50g - parmesaankaas, gerasper
- - hand vol pietersielie, fyngekap
Beesbors (brisket) is 'n bekostigbare vleissnit en met min geld kan jy vir baie mense kos gee. Dit vra net tyd.
Beesrol
Verhit oond tot 180 °C.
Verhit oondvaste pot oor hoë hitte tot warm en voeg olyfolie, uie, knoffel, seldery, wortel en vinkelsaad by.
Roerbraai vir 2 minute of tot uie begin verbruin.
Skep uit pot.
Plaas beesrol met vetkant na onder in dieselfde pot en braai vir 2-3 minute of tot verbruin.
Draai vetkant boontoe.
Plaas groente terug in pot saam met tamatiepuree en wyn.
Geur met sout en peper.
Oondbraai vir 4 uur of tot vleis sag is.
Bone
Plaas bone, kappertjiesade, ansjovis, suurlemoenskil en aftreksel in middelslagpot.
Roer en bring tot kookpunt.
Kook vir 5-8 minute of tot vloeistof met helfte weggekook het.
Verwyder van hitte.
Gebruik vurk en druk helfte van bone fyn.
Voeg parmesaan en pietersielie by.
Meng.
Geur met sout en peper.
Skep bone in opdienbak.
Sny vleis in skywe en pak bo-op.
Skep lepels vol potsous oor.
Sit voor.
