- - 1 groot heel hoender
- - 1 lemoen, gehalveer
- - 30 ml (2 e) stokkies-rooibostee
- PIEKEL -
- - 500 ml (2 k) sterk koue rooibostee
- - 60 ml (¼ k) elk sojasous en bruinsuiker
- - 4 knoffelhuisies, gekneus
- - 1 ui, in kwarte gesny
- SMEERSEL -
- - 60 ml (¼ k) heuning
- - 15 ml (1 e) sojasous
- - 5 cm vars gemmer, gerasper
Verhit 'n ketelbraai, plaas 'n draadrakkie in die middel en hou 'n vel foelie byderhand.
- Plaas die hoender in 'n diep marineerbak.
Piekel
- Vir die piekel, meng die rooibostee, sojasous, bruinsuiker, knoffel en ui goed en giet oor die hoender.
- Bedek en laat 2 uur in die yskas piekel.
- Haal die hoender uit en klad met kombuispapier droog.
- Druk die lemoen in die buik van die hoender.
- Sit die stokkies in die middel van die foelie en vou toe soos 'n pakkie.
- Steek 'n paar gaatjies met 'n vurk in die foelie en sit onderin die ketelbraai.
- Sit die hoender op die draadrakkie en sit die ketelbraai se deksel stewig op.
- Rooster 1 uur.
Smeersel
- Vir die smeersel, meng die heuning, sojasous en gemmer deeglik saam.
- Haal die foeliepakkie ná 1 uur uit die ketelbraai en verf die hoender met die smeersel. Sit die deksel weer op en rooster nog 30 min.
- Verf weer met die smeersel.
- Rooster nog 30 min. en verf weer met die smeersel. Haal die hoender uit die ketelbraai en laat 10 min. rus.
- Sny in porsies en sit voor.
