Diabete wêreldwyd worstel met 'n gemeenskaplike uitdaging: die bestuur van hul bloedsuikervlakke.
Die sleutel tot hierdie bestuur lê in 'n diep begrip van hoe verskillende voedselsoorte, veral koolhidrate, die liggaam beïnvloed.
Volgens Leandi Strydom, mede-eienaar van We Love Low Carb, kan diabete meer beheer oor hul gesondheid uitoefen.
Wat is die primêre bekommernis vir diabete in die bestuur van hul toestand?
Om te verstaan hoe om jou suikervlakke te bestuur, moet jy eers verstaan wat sekere voedselgroepe aan jou suikervlakke doen. Daar is honderde faktore om in ag te neem vir optimale gesondheid, maar vir 'n diabeet is die hoofkwessie koolhidrate.
Wat gebeur met jou liggaam wanneer jy koolhidrate eet?
Wanneer jy kos soos brood, pasta, vrugte, graan, ensovoorts eet, breek jou liggaam koolhidrate af in eenvoudige suikers.
Gevolglik styg jou suikervlakke en insulien ('n hormoon) word vrygestel/geproduseer wat die suikers (glukose) help om jou selle binne te gaan en aan hulle energie gee.
Die doel van insulien is om suikervlakke te stabiliseer.
Wanneer iemand langdurig en oormatig suikerryke kosse en koolhidrate verbruik, word hierdie insulien uiteindelik uitgeput, en die liggaam kan nie meer kosse met hoë koolhidraatvlakke hanteer nie - dit is wanneer iemand 'n tipe 2-diabeet word.
Wat gebeur in 'n diabeet se liggaam wanneer hy/sy koolhidrate eet?
Die glukose bou op in die bloedstroom omdat 'n diabeet nie meer genoeg insulien het om suikervlakke te stabiliseer nie.
Gevolglik kan die selle nie die energie kry wat hulle nodig het nie en intussen bly jou bloedsuikervlakke styg omdat koolhidrate baie vinnig in glukose verander.
Jou eie insulienvrystelling kan nie byhou by die glukosevloed en suikervlakke wat heeltyd 'n hoogtepunt bereik nie.
As jou suikervlakke konsekwent hoog is, kan dit skade aan organe en senuwees veroorsaak, wat uiteindelik nierversaking en selfs blindheid kan veroorsaak.
Studies toon dat diabetes 'n risikofaktor vir die ontwikkeling van Alzheimer se siekte is.
Kan vet as vet gestoor word as jou liggaam nie insulien produseer nie?
Nee, insulien is nodig vir vetopberging.
Sonder insulien kan jou liggaam nie vet doeltreffend stoor nie. Insulienweerstandigheid of 'n insulientekort (soos in tipe 1-diabetes) belemmer vetopberging.
Dus stoor jou liggaam slegs vet wanneer dit met koolhidrate gekombineer word, aangesien die koolhidrate jou suikervlakke 'n piek laat bereik, insulien produseer, en gevolglik vet stoor.
Gee ons dus die botter die skuld vir wat die suiker gedoen het?
Die idee dat vet in jou dieet die hoofoorsaak van vetsug en diabetes is, is verouderd. Navorsing toon dat koolhidrate, veral verfynde suikers, 'n groot rol speel in die ontwikkeling van insulienweerstandigheid en diabetes.
Hoekom sukkel mense met 'n laekoolhidraatdieet?
Koolhidrate word gewoonlik gebruik om maaltye vir baie gesinne op te vul. Om koolhidrate weg te neem kan maklik lei tot 'n tekort aan veselinname, wat kan lei tot hardlywigheid en ander dermprobleme.
Nie almal verstaan al die moets en moenies nie, maar gelukkig is Suid-Afrika innoverend en is daar gemeenskappe gevorm wat mekaar help. Daar is lae-koolhidraat-resepte ontwikkel vir alles van brode tot rys en selfs pasta.
"Oor die jare heen het ek talle bewyse gesien wat toon hoe die vermindering van koolhidrate en die fokus op regte, onverwerkte kosse die lewe van diabetici getransformeer het.
"Kies brode wat laer in koolhidrate is, hoog in vesel, en ryk aan proteïene en goeie vette. Banting is nie net 'n dieet nie - dit is 'n leefstyl wat mense bemagtig om gesondheid te kies en hul lewe te verander," sê Rita Venter, eienaar van een van die grootste facebook groepe "Banting, 7 day meal plans" met 2,3 miljoen lede.
Hoekom is tradisionele brode skadelik vir diabete?
Tradisionele brode bevat te veel verfynde koolhidrate wat jou bloedsuiker vinnig 'n piek laat bereik en insulienweerstandigheid veroorsaak - juis wat 'n diabeet moet vermy.
Goed en sleg
Watter kosse is veral problematies vir mense met diabetes en watter alternatiewe kan hulle gebruik?
Kos om te vermy:
- Suikerryke drankies (koeldrank, vrugtesap)
- Graanprodukte (brood, pasta, rys en pap)
- Styselagtige groente (aartappels, mielies en ertjies)
- Hoëkoolhidraatvrugte (piesangs, mango's; eintlik die meeste vrugte)
- Verwerkte versnaperinge
Vervang met:
- Water, onversoete tee of koffie
- Sade, neute, groente en kosse met 'n hoë veselinhoud
- Blaargroente, blomkool, bone, murgpampoentjies, ensovoorts.
- Bessies (bloubessies, frambose en aarbeie)
- Neute, sade en gesonde vette
Alternatiewe
Waarvoor moet diabete uitkyk in brood of voedselalternatiewe?
Diabete moet brood en/of voedselopsies kies wat:
- Minder koolhidrate bevat (minder as 5g-10g per porsie) om suikervlakke te beheer;
- 'n Hoë veselinhoud het om dermgesondheid te verbeter;
- Ryker aan proteïen is vir spierbou; en
- Meer "goeie" vette bevat om hulle versadig te laat voel.
GEBORG
We Love Low Carb
Diabete moet versigtig wees met hul koolhidraat inname, aangesien dit 'n direkte impak op hul bloedsuikervlakke het. 'n Laekoolhidraatdieet kan 'n positiewe uitwerking hê op hul gesondheid. Besoek We Love Low Carb se webtuiste vir 'n verskeidenheid van laekoolhidraat-produkte om jou bloedsuikervlakke help beheer.
