Estetiese geneeskunde het 'n hupstoot in Suid-Afrika gekry met die bekendstelling van Emerald Laser-tegnologie.
Dié behandeling werk met "nie-indringende vetverminderingstegnologie", wat deur die maatskappy Erchonia, 'n toonaangewende vervaardiger van lasertegnologie, ontwikkel is.Hierdie spesifieke tegnologie is nou by die Terre Paisible Medical Rejuvenation & Spa in Franschhoek bekend gestel en is die eerste in sy soort in Suid-Afrika.
Die tegnologie werk deur vetselle te teiken en te stimuleer om vetsure vry te stel, sê dr. Marlé Le Roux, 'n mediese dokter met 'n belangstelling in estetiese geneeskunde. Hierdie vetsure word dan natuurlik deur die limfatiese stelsel uitgespoel, wat lei tot 'n vermindering van ongewensde vetneerslae, sê sy.
"Anders as tradisionele vetverminderingsmetodes is die behandeling pynloos. Die behandeling is veilig en doeltreffend en duur tussen 30 en 60 minute per sessie," sê Le Roux, wat by die Terre Paisible Spa praktiseer.
Sy is opgewonde oor die potensiaal van die Emerald Laser om lewens te transformeer. Le Roux sê dié tegnologie bied 'n veilige, doeltreffende en minimaal indringende manier om jou te help om die voorkoms van jou liggaamskontoere esteties te verbeter.
Só werk dit
Emerald Laser werk met 'n stelsel van tien 532-nanometer-lasers wat ontwerp is om vet in geteikende dele van die liggaam te verminder, sê Le Roux. Die lasers penetreer tot in die wand van die vetsel, skep klein porieë en emulgeer die vette, waarna die limfatiese stelsel daarvan ontslae raak, sê sy.
Sy sê ook aangesien die Emerald Laser-behandeling pynloos is en pasiënte geen newe-effekte ondervind nie, kan hulle onmiddellik ná behandeling met hul dag voortgaan.
Anders as tradisionele metodes wat daarop gemik is om vetselle te vernietig, neem Emerald Laser 'n meer holistiese benadering deur hulle te "herlaai" om behoorlik te funksioneer, sê sy.
"Wat die behandeling onderskei, is sy vermoë om vetselle te stimuleer om gestoorde vet vry te stel, wat dan natuurlik deur die limfatiese stelsel verwyder word. Hierdie proses verminder nie net vet nie, maar help ook die vetselle om optimaal te funksioneer, wat gesonde seine na die brein stuur en algehele liggaamsbalans bevorder."
Vir optimale resultate beveel Le Roux aan om 8 tot 10 behandelings te ondergaan, met sessies twee keer per week.
Die Emerald Laser is die enigste FDA-goedgekeurde toestel en kan gemiddeld 15cm van die middellyf se omtrek verwyder, sê Le Roux. Individue met 'n liggaamsmassa-indeks van tot om en by 40 kan behandel word, sê sy.
GEBORG
Terre Paisible Medical Rejuvenation and Spa
In ooreenstemming met die landgoed se naam, 'vreedsame plek', en die etos van die kweek van skoonheid deur die natuur, is Terre Paisible Medical Rejuvenation and Spa die ideale bestemming vir sellulêre herlewing en uitbreiding van jou gesondheidspan, 'n eerste van sy soort in Suid. Afrika.
Ontsnap na ons rustige heiligdom in die Simonsberge, en ervaar pure ontspanning en selvernuwing met ons unieke behandelings.
